बीड शहर

केंद्र व राज्य सरकार बलात्काऱ्यांना पाठीशी घालते परंतु देशातील जनता जम्मू काश्मीर व उत्तर प्रदेश मध्ये झालेल्या सामूहिक बलात्कार प्रकरणा बाबत बीजेपी सरकार वर चोही बाजूनी हल्ले करत आहे .

बीड दि.13 (प्रतिनिधी)ः- मतदरसंघातील सामाजिक समतोल लक्षात घेऊन आ.जयदत्त क्षीरसागर यांनी 13 गावातील कामांना मंजूरी करून घेतली आहे. यापैकी 7 गावात सामाजिक सभागृह, पाणी पुरवठा आणि रस्ते सुधारणा करण्यासाठी 1 कोटी 30 लक्ष रूपये शासनाकडून निधी प्राप्त होणार आहे.  मंजूर झालेल्या कामांमुळे नागरीकांनी समाधान व्यक्त केले आहे.

बीड, (प्रतिनिधी):- सासरच्या लोकांकडून होणार्‍या त्रासाला कंटाळून विवाहितेने जाळून घेऊन आत्महत्या केली होती. या प्रकरणी न्यायालयाने आरोपींना सक्त मजुरीची शिक्षा सुनावली आहे. बीड येथील जिल्हा सत्र न्यायालयातील तिसरे अप्पर जिल्हा न्यायाधीश यु.टी.पौळ यांनी हा निकाल दिला आहे. शासनाच्यावतीने सहाय्यक सरकारी वकील ए.जी.धस यांनी बाजू मांडली.

बीड, (प्रतिनिधी):- बेटी बचाओ, बेटी पढाओ यासह शासनाच्या विविध योजनांच्या माध्यमातून ‘मुलगी वाचवा’ असा संदेश दिला जात असुनही बीड जिल्ह्यात अजुनही ‘ती’ नकोशीच असल्याचा प्रकार समोर आला आहे. मैंदा पोखरी (ता.बीड) येथील एका शेतात टोमॅटोच्या फासामध्ये एका दिवसाचे स्त्री जातीचे जिवंंत अभ्रक आढळून आल्याने खळबळ उडाली आहे. तेथील ग्रामस्थांनी सदरील अभ्रक जिल्हा रुग्णालयात दाखल करण्यात आले असुन त्याच्यावर उपचार सुरु आहे. दरम्यान सदरील अभ्रक कोणी आणि केंव्हा आणून टाकले याचा तपास पोलिस सुत्रांकडून सुरु आहे. दुपारी उशिरापर्यंत या प्रकरणात गुन्हा दाखल झालेला नव्हता.

बीड (प्रतिनिधी): बीड शहरात होवु घातलेला रेल्वे मार्ग व राष्ट्रीय महामार्गांची निर्मीती या मुळे जिल्हयात आता नवीन उद्योग निर्मीतीसाठी पुरक वातावरण निर्माण होवु लागले आहे. वाढत्या बेरोजगारीला आळा घालण्यासाठी व जिल्हयातील गरीबीचे निर्मुलन करण्यासाठी उद्योग धंदयांना प्रोत्साहन देणे गरजेचे आहे. जिल्हयाच्या विकासात अर्थपूर्ण भर घालण्यासाठी एम.आय.डी.सी.चे विस्तारीकरण करावे व यासाठी एम.आय.डी.सी.ने किमान २०० हेक्टर नवीन जागा अधिग्रहण करावी अशी मागणी शिवसंग्रामचे संस्थापक अध्यक्ष आ. विनायक मेटे यांनी राज्याचे उद्योगमंत्री ना. सुभाष देसाई यांच्याकडे मागणी केली आहे.