पाटोदा

पाटोदा, (प्रतिनिधी):- पाटोदा तालुक्यातील थेरला जवळ शुक्रवारी रात्री ८ च्या सुमारास ओंकार विठ्ठल हुडेकर वय ४३ रा.धामणगाव (बडे)ता.मातोळा जि.बुलढाणा  हे आपल्या मोटारसायकल क्र.चक२८ Aउ८४५० ने नगरहून बिडकडे जात असताना थेरला शिवारात त्यांच्या मोटरसायकल ला अपघाता झाला त्यामध्ये डोक्याला गंभीर स्वरूपाचा मार लागल्याने  जागीच मृत्यू झाला. अपघाताचे कारण अद्याप समजू शकले नाही या प्रकरणी पाटोदा पोलीस ठाण्यामध्ये नोंद झाली असून अधिक तपास पो.हे.कॉ.आजीनाथ तांदळे करीत आहेत.

पाटोदा : अरुंद रस्ते त्यातच वाढलेले अतिक्रमण यामुळे बसस्थानकालगतच्या मुख्य मार्गावर वाहतूक कोंडी प्रश्न निर्माण झाला होता. त्यामुळे मंगळवारी पोलीस प्रशासनाच्या बंदोबस्तामध्ये मुख्य मार्गावरील अतिक्रमण हाटिवण्यात आले आहे. त्यामुळे रस्त्यांनी मोकळा श्वास घेतला आहे.

पाटोदा : तालुक्यातील तांबाराजूरी येथील एका शेतकऱ्याने स्वतःच्या शेतात गळफास घेऊन आत्महत्या केल्याचे आज सकाळी उघडकीस आले. मागील काही दिवसांपासून ते अल्प शेती व सततची नापिकी याने आर्थिक विवंचनेत होते.