धारुर, (प्रतिनिधी):- उत्तरप्रदेशातील उन्नाव,गुजरात येथे महिलेवरील अत्याचार आणि जम्मू काश्मिरमधील एका बालिकेवर अत्याचार करून तिची हत्या केल्याच्या निषेधार्थ धारुर येथे आज शुक्रवार २० एप्रिल रोजी सर्व धर्मीय व सर्व पक्षीयच्या वतीने मूकमोर्चा काढण्यात आला. यावळीे तहसीलदारांमार्फत राष्ट्रपती केंद्र सरकारला निवेदन सादर करून या प्रकरणी जलदतगतीने न्यायालयात खटले चालवून आरोपींना फाशीची शिक्षा देण्याची मागणी करण्यात आली.
