बीड शहर

बीड, (प्रतिनिधी):- येथील नगरपालिकेतील वसुली विभागात गेल्या एक महिन्यापासुन पीटीआर बुक संपल्याने लोकांनो त्रासाला सामोरे जावे लागत आहेत. पीटीआर बुक नसल्याने पालिकेचा लाखोंचा महसुलही बुडत आहे. असे असतांनाही मुख्याधिकारी जावळीकर याकडे दुर्लक्ष करत आहेत. तब्बल महिनाभरापासुन पीटीआर बुक छापले जात नसल्याने सीओ साहेब, बुक छापायलाही पालिकेकडे पैसे नाहीत का? असा सवाल जनतेतून विचारला जात आहे.

बीड, (प्रतिनिधी):- येथील शहर पोलिस ठाण्याचे सितारे चमकले असुन पोनि.सय्यद सुलेमान यांच्या कार्यकाळात ठाण्याला आयएसओ मानांकन प्राप्त झाले आहे. पोलिस अधिक्षक जी.श्रीधर, अप्पर पोलिस अधिक्षक वैभव कलुबर्मे, उपअधिक्षक सुधीर खिरडकर यांच्या हस्ते आयएसओ प्रमाणपत्र पोनि.सुलेमान आणि त्यांच्या टीमला प्रदान करण्यात आले.

बीड - राज्याच्या ग्रामविकास आणि महिला बालविकास मंत्री ना पंकजाताई मुंडे यांनी बीड जिल्हा परिषदेच्या 'त्या' सहा सदस्यांच्या अपात्रतेला स्थगिती देवून राष्ट्रवादी काँग्रेसला पुन्हा एकदा धक्का दिला आहे. दरम्यान, या सर्व सदस्यांना सोमवारी होणा-या स्थानिक स्वराज्य संस्थेच्या मतदानात भाग घेता येणार आहे.

 बीड : येथील शहरातील स्वच्छतेवरून काकू-नाना आघाडीच्या नगरसेवकांनी नगराध्यक्षांच्या कक्षात व टेबल  खुर्चीवर कचरा टाकून पदाचा अवमान केला होता. याप्रकरणी काकु- नाना आघाडीच्या दहा नगरसेवकांना अपात्र करण्यात आले आहे. त्यामुळे या नगरसेवकांना आता न.प.च्या कौन्सिलमध्येही बसता येणार नाही. मात्र, स्थानिक स्वराज्य संस्थेच्या निवडणुकीत त्यांना मतदानाचा हक्क बजावता येणार आहे. आठ महिन्यापुर्वी शहरातील स्वच्छतेचा प्रशन  ऐरणीवर होता. यावेळी काकु-नाना आघाडीच्या नगरसेवकांनी नगराध्यक्ष डॉ. भारतभूषण क्षीरसागर यांच्या कक्षामध्ये कचरा टाकला होता. त्यामुळे नगराध्यक्षांच्या गटाने याविषयी तक्रार दाखल केली होती.

बीड ( प्रतिनिधी ) राज्याच्या राजकारणातील दिग्गज नेते आ. जयदत्त क्षीरसागर आणि माजी उपमुख्यमंत्री छगन भुजबळ आज दोन वर्षांनंतर भेटले. आ. क्षीरसागर यांनी दुपारी भुजबळ यांची निवासस्थानी भेट घेवून त्यांच्या प्रकृतीची आस्थेवाईकपणे विचारपूस केली.तासभराच्या चर्चेत दोघांनी विविध विषयांवर गप्पा मारल्या. ' प्रकृतीची काळजी घ्या आणि लवकर बरे व्हा ' अशा सदिच्छा देत क्षीरसागर यांनी त्यांचा निरोप घेतला.

पाटोदा, (प्रतिनिधी):- पाटोदा : पुणे येथील प्लॉटींगच्या व्यवहारातील वादातून चारचाकी वाहनांमधून आलेल्या दहा जणांनी प्लॉटींग एजंटाचे त्याचे मूळ गाव पाचंग्री (ता. पाटोदा) येथून अपहरण केल्याची घटना उघडकीस आली आहे.