जामखेड, (प्रतिनिधी): तालुक्यातील खर्डा भागातील लांडी तलाव परिसरात एका वृध्देचे प्रेत कुजलेल्या अवस्थेत आढळून आले. या प्रकरणी पोलिसांनी घटनास्थळी धाव घेवून पंचनामा केला असून पुढील तपास सुरु आहे.
खर्डा येथील लांडी तलाव परिसरात नंदा नारायण काळे (वय ७०) या वृध्देचे प्रेत आढळून आले आहे. या प्रकरणी मयताचा मुलगा माऊली काळे याने पोलिसांना दिलेल्या माहितीवरून सपोनि नितीन पगार, पोउपनि. नामदेव सहारे, पो.कॉ. साने, साखरे, जाधव, केकान, सानप, सकट आदींनी घटनास्थळी भेट देवून पंचनामा केला आहे. मृतदेह पुर्णपणे कुजलेला असून पोलिस पुढील तपास करत आहेत.
