बीड शहर

बीड, (प्रतिनिधी):- बीड पंचायत समितीमधील सेवानिवृत्त लिपीक सय्यद सलीम सय्यद अजीमोद्दीन यांचे काल निधन झाले आहे. मोमीनपुरा येथील रहिवाशी असलेले सय्यद सलीम स.अजीमोद्दीन हे धार्मिकवृत्तीचे असल्याने या परिसरात सर्व परिचित होते. शांत व मनमिळावू स्वभावामुळे त्यांचा मित्र परिवार मोठा होता. काल त्यांच्यावर मोमीनपुरा येथे अंत्यसंस्कारक रण्यात आले. यावेळी सर्व स्तरातील नागरिक उपस्थितीत होते. त्यांच्या पश्‍चात पत्नी, ४ मुले, २ मुली असा परिवार आहे.

बीड,(प्रतिनिधी):- यशवंत सेना धनगर समाजाच्या वतीने मुख्यमंत्री देवेंद्र फडणवीस व भाजप सरकार यांच्या निषेधार्थ संतप्त धनगर समाज बांधव रस्त्यावर उतरून या सरकारचा निषेध करत जिल्हाधिकारी कार्यालय बीड येथे यशवंत सेना धनगर समाज नेते भारत सोन्नर यांच्या नेतृतवाखाली आंदोलन करण्यात आले या प्रसंगी समाजबाधवांना  मार्गदर्शन करताना भारत सोन्नर म्हणाले की धनगर आरक्षण प्रश्न या सरकाने अद्यापि सोडविलेला नाही आमची सत्ता आलू की पहिल्या मंत्रिमंडळ बैठकात आरक्षण प्रश्न सोडविला जाईल  असे आश्वासन अभ्यास प

बीड (प्रतिनिधी): येथील ज्येष्ठ पत्रकार भास्कर लक्ष्मणराव चोपडे (५०) यांचे गुरुवारी रात्री ९ वाजता औरंगाबादेतील कमलनयन बजाज हॉस्पिटलमध्ये निधन झाले़ मागील तीन आठवड्यांपासून पत्रकार भास्कर चोपडे यांच्यावर अतिदक्षता विभागात उपचार सुरु होते़ त्यांच्या पार्थिवावर शुक्रवारी (दि़ १६) सकाळी १० वाजता भगवानबाबा प्रतिष्ठानजवळील स्मशानभूमीत अंत्यसंस्कार करण्यात येणार आहेत़

पाटोदा, (प्रतिनिधी):- तालुक्यातील तांबाराजूरी येथील शेतकर्‍याने स्व:ताच्या शेतामधील आंब्याच्या झाडाला गळफास घेऊन आत्महत्या केली आहे. गुरूवारी सकाळी ७ वाजण्याच्या सुमारास ही घटना घडली आहे. विष्णू दिगांबर तांबे (५५) असे या शेतकर्‍याचे नाव आहे. शेतामधील कामानिमित्ताने विष्णू तांबे हे शेतातच राहत होते.  नापिकीला कंटाळून त्यांनी हे टोकाचे पाऊल उचलले होते. बीट अंमलदार सुभाष मोटे हे घटनास्थळी धाव घेत घटनेचा पंचनामा केला. पाटोदा ग्रामीण रुग्णालयात शवविच्छेदन करण्यात आले आहे.