बीड शहर

बीड,(प्रतिनिधी):- सिरया या देशामध्ये वस्त्यांमध्ये बॉम्ब टाकून क्रुरपणे निर्देष लोकांना ठार मारले जात आहेत. यात लहान मुलांनाही टार्गेट करून त्यांना ठार मारले जात आहे. अतिशय क्रुरपणे हा सर्व प्रकार होत असून अनेक नागरिकांची घरे उध्दवस्त झाली आहेत. महिलांवर देखील मोठ्या प्रमाणावर अत्याचार केले जात असून धर्मस्थळे उध्दवस्त केले जात आहे. सिरया या देशामधील परिस्थिती अंत्यत चिंताजनक बनली असून सिरयामध्ये होणारे नरसंहार बंद करण्यासाठी भारत देशाने पुढाकार घेवून संयुक्त राष्ट्रसंघामध्ये आवाज उठवावा असे निवेदन जिल्हाधिकारी यांच्यामार्फत सरकारला शिष्टमंडळाने दिले आहे.

पाटोदा (प्रतिनिधी)- पाटोदा येथे एका टिप्पर चालकाने निष्काळजी पणाने गाडी चालवत एका लोखंडी पोलला धडक दिल्याने पोल वरील विद्युत तार तुटुन अंगावर पडल्याने एक व्यक्ती गंभीर भाजल्याची घटना घडली आहे. या प्रकरणी टिप्पर चालका विरोधात गुन्हा दाखल झाला आहे.

चौसाळा (प्रतिनिधी) चौसाळा परिसरातील नागरिकांना दर्जेदार आरोग्य सुविधा उपलब्ध करून देण्यासाठी चौसाळा येथे ग्रामीण रुग्णालय मंजूर करावे हि मागणी अनेक वर्षापासून प्रलंबित होती.या महत्त्वपुर्ण मागणीची दखल ग्रामविकास मंञी तथा पालकमंत्री ना.पंकजाताई मुंडे यांनी घेतली असून लवकरच चौसाळा येथे ग्रामीण रुग्णालय व ट्रामा केअर सेंटर मंजूर होईल असा विश्वास भाजपाचे बीड जिल्हाध्यक्ष रमेश पोकळे यांनी व्यक्त केला आहे.

मुंबई (प्रतिनिधी) विरोधी पक्षनेते धनंजय मुंडे यांनी सभागृहात प्रश्न उपस्थित करण्यासाठी पैसे घेतल्याचे वृत्त एका खासगी वृत्तवाहिनीने दाखविले आहे. त्यामुळे कुणाच्यातरी हितासाठी असे प्रश्न उपस्थित केले जात असल्याचा आरोप सत्ताधार्‍यांकडून करण्यात आला आहे.  या वृत्तानंतर सत्ताधारी आमदारांनी विधानसभेत प्रश्नोत्तरांचा तास सुरू होताच गोंधळ घातला. सभागृहात धनंजय मुंडे यांच्याविरोधात घोषणाबाजी करण्यात आली. या गोंधळामुळे सभागृहाचे कामकाज १२ वाजेपर्यंत तहकूब करण्यात आले होते.

बीड (प्रतिनिधी) शहरातील नगरपालिका हद्दीतील सर्व मालमत्ता व गाळाधारकांनी आपल्याकडील नगरपालिकेचे थकबाकी तात्काळ भरण्यात यावी नसता मालमत्ता सिल करणार असल्याची माहिती मुख्याधिकारी यांनी दिली आहे. शहरातील अनेक मालमत्ताधारकांकडील वसुलीसाठी कडक मोहिम सुरू आहे. थकीत मालमत्ता धारकांच्या अनेक मालमत्ता सिल करण्यात आल्या आहेत. तरी शहरातील नागरीकांनी आपल्याकडील नगर परिषदेचे कर तीन दिवसाच्या आत भरावे नसता मालमत्ता सिल करून नळ कनेक्शन बंद करण्याचा इशारा मुख्याधिकारी बीड यांनी दिला आहे.

बीड ( प्रतिनिधी ) शहरातील बालेपीर भागातील अजमेर नगर येथील रहिवाशी शेख फारूक इब्राहिम पटेल यांचे शनिवारी ( दि.24 ) सायंकाळी निधन झाले. मृत्यूसमयी ते 48 वर्षांचे होते. त्यांचा दफनविधी आज रविवारी ( दि. 25 )सकाळी 9 वाजता होणार आहे.