बीड शहर

बीड प्रतिनिधी:-शिवसेनेचे माजी जिल्हाप्रमुख अनिल जगताप यांचे वडील माणिकराव साहेबराव जगताप यांचे वृद्धपकाळाने बीड येथे दुःखद निधन झाले,मृत्यूसमयी त्यांचे वय 80 वर्ष होते .
बीड तालुक्यातील केतुरा येथील मूळ रहिवाशी असलेले माणिकराव जगताप पंचक्रोशीत सामाजिक कार्यात अग्रेसर म्हणून परिचित होते.
मागील आठवडा भरापासून ते अत्यवस्थ होते,वृद्धपकाळाने त्यांची प्रकृती खालावली होती,त्यांच्यावर औरंगाबाद येथे उपचार सुरू होते,शनिवारी त्यांना बीड येथे आणण्यात आले होते ,शहरातील फिनिक्स रुग्णालयात त्यांना दाखल केले होते,रविवारी रात्री 8 वाजून 45 मिनिटांनी त्यांची प्राणज्योत मालवली .

बीड : जिल्ह्यासाठी शनिवारचा दिवस घातवार ठरला आहे. एकीची हत्या तर चौघांच्या आत्महत्येने खळबळ उडाली आहे. बीडमध्ये जावयाने गळफास लावून जीवन संपविले.केज तालुक्यातील ढाकेफळ येथे एका विद्यार्थीनीची हत्या करून युवकाने आत्महत्या केली. तर तेथीलच जवळबन सेवासोसायटीच्या चेअरमनने विष प्राशन करून जगाचा निरोप घेतला. युसुफवडगाव येथे नवमहिन्यापुर्वी विवाह झालेल्या महिलेने विष प्राशन करून आत्महत्या केली. या विविध घटनांमुळे यम जिल्ह्यात मुक्कामी होता की काय? असा प्रश्‍न उपस्थितीत होत आहे.