नापिकीला कंटाळून शेतकर्‍याची आत्महत्या

बीड, (प्रतिनिधी):- नापिकीला कंटाळून एका ३० वर्षीय शेतकर्‍याने शिरापुर धुमाळ येथे राहत्या घरी गळफास घेऊन आत्महत्या केल्याची घटना घडली आहे.

सिद्धार्थ अंकुश औसरमल (३०) या तरुण शेतकर्‍याने सततची नापिकी व मुलीच्या शिक्षणासाठी पैसे नसल्याने राहत्या घरी गळ्याला गळफास घेऊन आत्महत्या केली आहे. बीड जिल्ह्यातील शिरापुर धुमाळ येथील रहिवाशी औसरमल यांनी नापिकी व मुलीच्या शिक्षणाचा खर्च कसा करायचा या विंवचनेतून आत्महत्या केली. जिल्ह्यातील शेतकर्‍यांच्या आत्महत्येचे प्रमाण वाढले आहे. नापिकी, कर्जबाजारीपणामुळे अनेक तरुण शेतकरी स्वत:चा जिव देत आहे.