बीड शहर

बीड, (प्रतिनिधी): मोठ्या हौशेने मल्टीपर्पजचे मैदान नागरिकांसाठी खुले करण्यात आलेे. मात्र नव्याचे नवे दिवस या प्रमाणे सध्या मैदानाची दुुरावस्था होवुनही कोणीच लक्ष देईनासे झाले आहे. मैदानावरील हिरवळ पुर्णपणे वाळल्याने त्याला वाळवंटाचे स्वरूप येवू लागले आहे. मैदानावर फक्त धुराळाच दिसू लागल्याने नागरिकांमधून तीव्र नाराजी होवू लागली आहे. याकडे नगराध्यक्षांचे दुर्लक्ष असून उपनगराध्यक्षांनाही फेरफटका मारण्यास वेळ मिळेना.

बीड, (प्रतिनिधी):- संभाजी भिडे यांच्या समर्थनार्थ आज सांगलीबरोबरच बीड मध्येही पदयात्रा आणि मोर्चा काढण्यात आला आहे. बुधवारी सकाळी येथील छत्रपती शिवाजी चौक ते जिल्हाअधिकारी कार्यालय दरम्यान ही पदयात्रा काढण्यात आली. भिमा-कोरेगाव येथे झालेल्या दंगलीत संभाजी भिडे यांचा काडीमात्र संबंध नसून त्यांच्यावरील गुन्हा माघारी घेण्याची मागणी यावेळ कण्यात आली. शिवप्रतिष्ठान हिंदुस्थान यांच्यावतीने या मोर्चाचे आयोजन करण्यात आले होते.