बीड शहर

अहमदनगर (प्रतिनिधि)
राज्यात थेट जनतेतुन सरपंच निवडीचा प्रयोग यशस्वी झाला असून आत्तापर्यंत ७ हजार ३०० सरपंच जनतेतुन निवडले आहेत. या सरपंचांना शासन प्रशिक्षक देणार असुन प्रशिक्षनानंतर परिक्षा घेतली जाणार आहे. या परिक्षेत पास झाले तरच जनतेतुन निवडून आलेल्या सरपंच यांना सहिचे अधिकार दिले जाणार आहेत.याबाबत लवकरच निर्णय होणार असल्याचे मत आदर्श गाव योजनेचे कार्याध्यक्ष पोपटराव पवार यांनी व्यक्त केले.

बीड प्रतिनिधी ः-  बीड शहरापासुन जवळच असलेल्या बिंदुसरा तलावा नजिक युवा शांतीवन हे ठिकाण पर्यटन क्षेत्र म्हणुन विकसीत व्हावे या साठी गेल्या अनेक महिन्यापासुन आ. विनायक मेटे हे सातत्याने प्रयत्न करत आहेत. आज त्याचाच एक भाग म्हणुन वनविभागा मार्फत बिंदुसरा तलावा मध्ये पर्यटकांसाठी बोटींगची सेवा आ. विनायक मेटे यांच्या शुभ हस्ते व विभागीय वनधिकारी अमोल सातपुते, राजेंद्र मस्के, प्रभाकर कोलंगडे, डॉ. रमेश पानसंबळ,  भारत काळे, अनिल घुमरे,  प्रकाश पिंगळे, रामहारी मेटे, ज्ञानेश्‍वर कोकाटे, बबन माने यांच्या प्रमुख उपस्थितीत सेवा सुरू करण्यात आली.

बीड (प्रतिनिधी) स्पर्धेच्या युगामध्ये सोशल मिडीया प्रभाव निर्माण करण्याचा प्रयत्न करत असले तरी मुद्रीत माध्यमांनी विश्‍वासार्हता टिकवून ठेवली आहे. पत्रकारांनीही निर्भिडपणे लिखान करावे असे आवाहन आ.जयदत्त क्षीरसागर यांनी केले. तर मराठवाड्यातील पत्रकारितेला मोठा इतिहास आहे. माध्यमांनी सकारात्मक दृष्टीकोन ठेवावा असे आवाहन ज्येष्ठ संपादक नामदेवराव क्षीरसागर, विजयराज बंब यांनी केले.

नांदेड (वृत्तसेवा) गेन बिटकॉईन कंपनीने नांदेडमधील अनेकांना कोट्यवधी रुपयांचा गंडा घातला आहे. आता या प्रकरणात नांदेडमध्ये एक गुन्हा दाखल करण्यात आला आहे. जगभरातील गुंतवणूकदारांमध्ये बिटकॉईनचं आकर्षण दिसून येत आहे. मात्र आता यामध्ये फसवणूक होत असल्याचंही समोर आलं आहे.

 बीड (प्रतिनिधी )येथील कृषी उत्पन बाजार समीतीने स्वनिधितून बांधलेल्या ३ कोटी ५८ लक्ष रुपयाच्या ३५ गाळ्यांचे उद्घाटन दि ३१ जानेवारी रोजी लोकनेते आ.जयदत्त क्षीरसागर यांच्या हस्ते होणार असल्याची माहीती सभापती दिनकर कदम यांनी दिली आहे.