बीड शहर

बीड दि.21 ( सिटीझन ) बीड जिल्ह्याची चिंता  आता दिवसेंदिवस वाढत आहे. जिल्ह्यातून काल पाठवलेल्या 114  जणांचे स्वबपैकी काल रात्री उशिरा 4 पॉझिटिव्ह आले होते तर 13 प्रलंबित होते आज दुपारी ते सर्वच्या सर्व 13 रिपोर्ट पॉझिटिव्ह आल्याने बीड जिल्ह्याची चिंता आणखी वाढली आहे. बुधवारी रात्री उशिरा 4 पॉझिटिव्ह अहवाल आले होते आणि आजचे 13 असे एकूण 29 पॉझिटिव्ह संख्या झाली आहे. 

कालचे प्रलंबित पॉझिटिव्ह आलेले रिपोर्ट खालील प्रमाणे 

आणखी 13 पॉजिटिव्ह
1  - सुर्डी ता. माजलगाव (कवडगाव थडी येथील रुग्णाच्या संपर्कातील)
1 - कुंडी ता.धारूर
11 - नित्रूड ता.माजलगाव 

**

बीड,(सिटीझन )- बीड जिल्ह्यात नवीन चार कोरोना विषाणू संसर्गाचे लागण झालेले रुग्ण आढळून आले आहेत त्यामुळे जिल्ह्यात सध्या उपचार सुरु असलेल्या कोरोनाबाधितांची संख्या एकूण १६ झाली आहे . *जिल्ह्यातील तालुकानिहाय कोरोना बाधित रुग्णसंख्या पुढील प्रमाणे

गेवराई-२
माजलगाव-३
बीड -५
केज-२
वडवणी -१
पाटोदा - ३

बीड दि. 20 ( सिटीझन ) जिल्हा रुग्णालयातील कोरोना वार्डात  शल्यचिकित्सक डॉ.अशोक थोरात यांनी  बुधवारी रात्री उशिरा भेट देवून तेथील सुविधांचा आढावा घेतला. डॉ.थोरात स्वतः पीपीई किट घालून आत गेले आणि तेथील कर्मचाऱ्यांशीही संवाद साधला. दरम्यान यासंदर्भात सायं दै. सिटीझन ने दि.19 मे रोजीचा अंकात वृत्त प्रकाशित करून तेथील सुविधांविषयीचा खरा प्रकार वाचकांसमोर आणला. एका कोरोना बाधित महिलेने सिटीझनशी साधलेला संवाद आणि त्या संवादातून जिल्हा रुग्णालयाच्या कारभाराची झालेली पोलखोल चर्चेचा विषय ठरली. त्या बाधित रुग्णाची आपबीती वाचून अनेकांच्या डोळ्यात पाणी आले असावे.

बीड दि.20 ( सिटीझन ) भाजप नेत्या माजी मंत्री पंकजाताई मुंडे यांनी आपल्या ट्विटरवरून ट्विट करत बीड जिल्ह्यातील कोरोनाच्या वाढत्या केसेस पाहून चिंता वाटली, अशी प्रतिक्रिया व्यक्त केली आहे. यासोबतच अधिक काळजी घ्यावी असे आवाहन देखील पंकजाताईंनी केले आहे.

नेकनूर  दि.20 ( सिटीझन ) मांजरसुंबा घाटामध्ये आज सकाळी इंधन घेऊन येणारा ट्रक अचानक पेटला. टँकरने पेट घेतल्यानंतर तो पलटी झाला. काही कळण्याच्या आतच पूर्ण टॅंकर आगीच्या भक्ष्यस्थानी पडला होता. टँकरमध्ये इंधन असल्याने काही क्षणातच मोठा आगडोंब झाला. धुराचे लोळ उठले, रस्त्यावरून जाणारी येणारी वाहने जागच्या जागी थांबली. तातडीने अग्निशामक दलाला पाचारण करण्यात आले मात्र तोपर्यंत टँकर पूर्णपणे जळून खाक झाला होता.या आगीमध्ये टँकर चालकाचा होरपळून मृत्यू झाल्याची माहिती येत असून अन्य एक जण जखमी झाल्याचे समजते.

बीड दि.20 ( सिटीझन ) गेली पन्नास दिवस कोरोना शून्य असलेल्या बीड जिल्ह्याची चिंता मात्र आता दिवसेंदिवस वाढत आहे. जिल्ह्यातून सोमवारी  66 जणांचे स्वब पाठविण्यात आले होते. त्यापैकी मंगळवारी रात्री उशिरा तब्बल 8 पॉझिटिव्ह आल्याने खळबळ उडाली आहे. आता जिल्ह्यातील  पॉझिटिव्ह रुग्णांची संख्या 12 + 8 अशी 20 संख्या झाली असून त्यापैकी एक मयत असून एक जण कोरोना मुक्त झालेला आहे. तर 6 जण पुण्याला रवाना झाले आहेत. आणखी 3 रिपोर्ट प्रलंबित असल्याचे सूत्रांनी सांगितले.  

 मुंबई दि.19 ( प्रतिनिधी ) राज्य सरकारने आज चौथ्या लॉकडाऊनची नियमावली जाहीर केली आहे. यानुसार राज्यात केवळ दोनच झोन असणार असून ग्रीन आणि ऑरेंज झोन रद्द करण्यात आले आहेत. तर केवळ रेड आणि नॉन रेड झोनच ठेवण्यात आले आहेत. या दोन्ही झोनमध्ये कन्टेन्मेंट झोन असणार आहे. 

बीड दि.18 ( सिटीझन ) येथील शहर पोलीस ठाण्याचे पीआय वासुदेव मोरे यांची बदली झाल्यानंतर आता ठाण्याचा पदभार एपीआय गजानन जाधव यांच्याकडे देण्यात आला आहे. सर्वसामान्य जनतेत मिसळणारे आणि कारवाईही तेवढीच डॅशिंग भूमिका बजावणारे अधिकारी म्हणून गजानन जाधव यांची ओळख आहे. शहर पोलीस ठाण्यासारख्या मोठ्या आणि जबाबदार ठाण्यासाठी जाधव यांच्यासारखाच अधिकारी हवा होता, अशी प्रतिक्रिया व्यक्त होऊ लागली आहे.एपीआय गजानन जाधव यांनी दरोडा प्रतिबंधक विभागात उत्कृष्ट कामगिरी बजावली आहे. विविध स्वरूपाच्या गुन्ह्यांची उकल करण्यात त्यांचा हातखंडा आहे.

आष्टी(सिटीझन) तालुक्यातील सांगवी (पाटण )येथे कोरोनाबाधित आढळलेल्या ६५ वर्षिय महिलेचा पहाटे मृत्यू झाला. कालच तिच्यासह सात जणांचे अहवाल पाॅझिटिव्ह आले होते.मुळची पिंपळगाव ( ता.जि.नगर) येथील ती रहिवासी असून मुंबईहून  सांगवी पाटण येथे नातेवाईकाकडे आली होती.
जिल्ह्यात कोरोनाचा पहिला बळी गेला. उपचारादरम्यान सोमवारी पहाटे तीन  च्या  दरम्यान महिलेचा मृत्यू झाल्याची माहिती आरोग्य विभागाने दिली.