बीड शहर

बीड दि.2 ( सिटीझन ) लॉकडाऊन आणखी 2 आठवडे वाढला आहे. त्या पार्श्वभूमीवर काय सुरू होणार ? आणि कशात सूट मिळणार याकडे सर्वांचे लक्ष लागले असले तरी सध्या तरी जिल्ह्यात याबाबत नवीन निर्णय प्रशासनाने जाहीर केलेला नाही. मात्र जिल्हाधिकारी राहुल रेखावार यांच्या मार्गदर्शनाखाली अत्यावश्यक सेवा घरपोहच मिळाव्यात यासाठी ' Needly aap ' तयार करण्याचे काम  सुरू असून हा aap प्ले स्टोअर मधून डाउनलोड करता येणार आहे. याबाबत जिल्हाधिकारी रेखावार यांनी स्वतः ही माहिती दिली आहे.

बीड (प्रतिनिधी)ः- सध्या जगभर कोरोना विषाणुचा संसर्ग आणि प्रसार मोठ्या प्रमाणात सुरु आहे. आपल्या देशशत आणि महाराष्ट्रातही याचा संसर्ग वाढत आहे. यामुळे प्रत्येकाने आरोग्याची काळजी घेणे आवश्यक आहे. या करीता सध्या कापडी मास्क वापरणे आवश्यक आहे. मास्क वापरल्यामुळे आपले स्वत:चे आरोग्य आणि संसर्गापासून बचाव होतो. एकमेकांपासून विशिष्ट सामाजिक अंतर आपण पाळत आहोत. परंतु खोकला, शिंक येणे हे नैसर्गिक आहे तसेच सद्य परिस्थितीत पोलिस, आरोग्य कर्मचारी, स्वच्छता कामगार हे आपले कार्य दैनंदिन करुन सेवा देत आहेत.

बीड, दि.1( सिटीझन )  येथील जिल्हाधिकारी कार्यालयाच्या प्रांगणात महाराष्ट्र दिनानिमित्त शासकीय ध्वजारोहण राज्याचे सामाजिक न्याय व विशेष सहाय्य मंत्री तथा जिल्ह्याचे पालकमंत्री धनंजय मुंडे यांच्या हस्ते झाले. 
       कोरोना विषाणू प्रादुर्भावच्या पार्श्वभूमीवर आजचा 
समारंभ अत्यंत साधेपणाने पार पडला. यावेळी  सकाळी ठीक ८.०० वा. ध्वजारोहण करून मानवंदना देण्यात आली. यावेळी आ. संदीप क्षीरसागर, जिल्हाधिकारी श्री. राहुल रेखावार, जि. प. चे मुख्य कार्यकारी अधिकारी श्री. अजित कुंभार, जिल्हा पोलिस अधीक्षक श्री. हर्ष पोद्दार यांसह महत्वाचे अधिकारी व  पोलीस कर्मचारी उपस्थित होते.

पालकमंत्री धनंजय मुंडे यांचा ऊसतोड मजुरांना मोठा दिलासा

जीवनावश्यक वस्तूंचे किराणा किट मोफत वाटप केले जाणार

ऊसतोडणी करून आलेल्या व होम क्वारंटाइन असलेल्या हजारो मजुरांना मिळणार लाभ

बीड दि.29 ( सिटीझन ) बीड जिल्ह्याचे पालकमंत्री धनंजय मुंडे यांनी ऊसतोडणी करून जिल्ह्यात परतलेल्या मजुरांसाठी महत्वपूर्ण व दिलासादायक निर्णय घेतला आहे. जिल्हा परिषदेच्या स्वनिधी मधून आता जिल्ह्यातील ऊसतोड मजुरांना २८ दिवसांच्या क्वारंटाईन कालावधीसाठी म्हणून  जीवनावश्यक किराणा साहित्य मोफत वाटप करण्यात येणार आहे.

बीड दि.28 ( सिटीझन ) जिल्ह्यातील 55 ते 56 विद्यार्थी उच्च शिक्षणासाठी कोटा ( राजस्थान ) येथे गेलेले होते. लॉकडाऊनमुळे हे सर्व विद्यार्थी त्याठिकाणी अडकले होते.हे विद्यार्थी आज दुपारी सुखरूप बीड शहरात दाखल झाले आहेत.

अक्षय आणि नमिता मुंदडा दाम्पत्याला कन्यारत्न

अंबाजोगाई दि.24 (सिटीझन )-: केज विधानसभा मतदार संघाच्या आ. नमिता अक्षय मुंदडा यांना आज पहाटे कन्यारत्न झाले. ज्येष्ठ नेते नंदकिशोर मुंदडा यांनी आपल्या घरातील या नव्या पाहुण्याच्या आगमनाची आणि स्वत:ला आजोबा पदी बढती मिळाल्याची माहिती फेसबुक पोस्टमधून दिली आहे.

बीड दि.23 ( सिटीझन) आष्टी तालुक्यातील पिंपळा येथील कोरोनाग्रस्तावर अहमदनगर येथील रुग्णालयात उपचार सुरू होते. आज त्याचे दोन्ही रिपोर्ट निगेटिव्ह आले असून ही बाब जिल्ह्याच्या दृष्टीने आनंदाची आहे अशी माहिती जिल्हा शल्यचिकित्सक डॉ.अशोक।थोरात यांनी आज व्हिडिओच्या माध्यमातून दिली आहे. नागरिकांनी अजूनही सर्व नियम पाळावेत आणि सुरक्षित राहावे असे आवाहन डॉ. थोरात यांनी केले. 

अंबाजोगाई दि.23 ( सिटीझन ) लॉकडाऊनमुळे शेतकऱ्यांचे अर्थचक्र व नियोजन पूर्णत: कोलमडले आहे. अगोदरच विविध कारणाने संकटात सापडलेला शेतकरी हातघाईला आला आहे. त्यांचे अर्थचक्र पूर्णत: कोलमडल्याने शासनाने शेतकऱ्यांना मोफत खत व बियानेचा पुरवठा खरीप हंगामासाठी करावा अशी मागणी भाजपच्या आ. नमिता मुंदडा यांनी मुख्यमंत्र्यांकडे केली आहे. 

उन्हाळी सुट्ट्यांमध्ये शिक्षकांनी मुख्यालय न सोडण्याचे सूचना 
बीड दि.23 ( सिटीझन ) कोरोना विषाणू संसर्गाच्या पार्श्वभूमीवर दक्षता म्हणून  दि.1 मे 2020 रोजी महाराष्ट्र दिनानिमित्त  कोणत्याही शाळेत ध्वजारोहण करु नये असे आदेश जिल्हा परिषद प्राथमिक विभागाचे शिक्षणाधिकारी अजय बहिर यांनी दिले आहेत. याबाबतचे पत्र त्यांनी जिल्ह्यातील सर्व गटशिक्षणाधिकारी यांना पाठवले आहेत.