बीड शहर

बीड दि.29 ( सिटीझन ) बीड जिल्ह्यातून आज शुक्रवारी  118 व्यक्तींचे स्वॅब तपासणीसाठी लातूरच्या प्रयोगशाळेत पाठविण्यात आले होते. त्यापैकी 116 रिपोर्ट निगेटिव्ह आले होते तर 2 प्रलंबित होते. त्या 2 पैकी 1 पॉझिटिव्ह आला असून अन्य एक प्रलंबित असल्याची माहिती  प्रशासनाने दिली आहे.  आजच्या 1 रुग्णांमुळे जिल्ह्यात उपचार सुरू असलेल्या रुग्णांची संख्या 49 + 1 अशी 50 झाली आहे. 

बीड , दि.29 ( सिटीझन ) जिल्हयातील सर्व खाजगी तसेच शासकीय, निमशासकीय संस्था पॅथलॅब, आयुर्वेद, युनानी होमीयोपॅथीक, अॅलोपॅथी, दंत इत्यादी रुग्णसेवेतून आंतर व बाहयरुग्ण विभागातून निर्माण होणारा जैववैद्यकीय घनकच-याची विल्हेवाट जैव वैद्यकीय (व्यवस्थापन व हाताळणी) कचरा नियम, २०१६ प्रमाणे करणे आवश्यक असून बीड जिल्हयात महाराष्ट्र प्रदूषण नियंत्रण मंडळाने नेमून दिलेली संस्था कार्यरत आहे. सदर संस्था केंद्रिय प्रदूषण नियंत्रण मंडळ, महाराष्ट्र प्रदूषण नियंत्रण मंडळ यांच्या मार्गदर्शक तत्वाचे पालन करुन जैव वैद्यकीय कच-याचे वैज्ञानिक पदधतीने जैव वैद्यकीय कच-याची विल्हेवाट लावते. वरील

बीड दि.29 ( सिटीझन ) लोकनेते गोपीनाथरावजी मुंडे साहेब यांची 3 जून रोजी पुण्यतिथी आहे. मात्र गोपीनाथ गडावर कोणीही दर्शनासाठी किंवा मला भेटण्यासाठी गर्दी करू नये. घरातच साहेबांच्या फोटोसमोर दोन दिवे , समई लावा असे आवाहन माजी मंत्री पंकजाताई मुंडे यांनी फेसबुकवरून संघर्ष दिन या हॅशटॅगखाली केले आहे. 

पंकजाताई म्हणाल्या,  गडाचा कार्यक्रम साधा व मोजक्या लोकांत असेल, तो Live दाखवता येईल. तुम्ही सर्वांनी कुटुंबा समवेत मुंडे साहेबांच्या फोटो समोर उजव्या बाजूला घरातील महिला आणि डाव्या बाजूला पुरुष उभे राहून दोन दिवे/ समई लावायचे आहेत...

बीड दि.29 ( सिटीझन ) जिल्हाधिकारी राहुल रेखावार यांनी गुरुवारी रात्री बीडकरांना दूध, भाजीपाला आणि फळे उपलब्ध होतील याबाबत आदेश दिले आहेत.दूध फिरून तर पूर्वीप्रमाणे परवाना असणाऱ्या भाजीपाला व फळ विक्रेत्यांना घरोघर फिरून विक्री करण्यास परवानगी दिली आहे. 

बीड दि.28 ( सिटीझन ) जिल्ह्यातून आज 41 व्यक्तींचे स्वॅब तपासणीसाठी लातूर येथील प्रयोगशाळेत पाठविण्यात आले होते. त्यापैकी 5 व्यक्तींचे  रिपोर्ट पॉझिटिव्ह , 36 रिपोर्ट निगेटिव्ह आले आहेत. आजच्या रुग्णांमुळे जिल्ह्यात उपचार सुरू असलेल्या रुग्णांची संख्या 46 + 5  अशी 51 झाली आहे. 

पक्षासाठी योगदान देणाऱ्या नगराध्यक्षांच्या पाटीत खुपसला खंजीर.
राज गायकवाड / माजलगाव 

माजलगावच्या विविध पक्षाच्या एकोणीस नगरसेवकांनी नगराध्यक्ष चाऊस यांच्याविरोधात जिल्हाधिकारी कार्यालयात आज दुपारी अविश्वास ठराव दाखल केला. यात भाजपाचे पाच नगरसेवक असून या अविश्वास ठरावा साठी यांनी नेतृत्वाची परवानगी न घेतल्याची माहिती समोर येत आहे. ज्या नगराध्यक्ष चाऊस यांनी पक्षाला अडचणीच्या काळात उभारण्याचे योगदान दिले त्यांच्या पाठीत खंजीर खुपसून पक्षाचे राजकीय विरोधक असणाऱ्या प्रकाश सोळंकेशी हातमिळवणी केल्याने भाजपचे नगरसेवक पक्षापेक्षा मोठे झाले असल्याची चर्चा होताना दिसत आहे.

बीड दि.27 ( सिटीझन ) पाटोदा तालुक्यातील कारेगाव येथील कोरोना पॉझिटिव्ह आलेल्या पेशंटने बीड शहरातील काही भागाच्या अडचणी वाढवल्या आहेत. सदरील पेशंट बीड शहरातील भाजी मंडई ते पत्रकार भवन रस्त्यावरील विवेकानंद हॉस्पिटलमध्ये उपचारासाठी येऊन गेल्याची माहिती समोर आली आहे. त्यापूर्वी तोच पेशंट अन्य एका हॉस्पिटलमध्ये छातीत दुखू लागल्याने टू डी इको करण्यासाठी गेला होता मात्र तिथून तो तात्काळ गेल्याचे समजते.