बीड शहर

बीड दि.23 ( सिटीझन) आष्टी तालुक्यातील पिंपळा येथील कोरोनाग्रस्तावर अहमदनगर येथील रुग्णालयात उपचार सुरू होते. आज त्याचे दोन्ही रिपोर्ट निगेटिव्ह आले असून ही बाब जिल्ह्याच्या दृष्टीने आनंदाची आहे अशी माहिती जिल्हा शल्यचिकित्सक डॉ.अशोक।थोरात यांनी आज व्हिडिओच्या माध्यमातून दिली आहे. नागरिकांनी अजूनही सर्व नियम पाळावेत आणि सुरक्षित राहावे असे आवाहन डॉ. थोरात यांनी केले. 

अंबाजोगाई दि.23 ( सिटीझन ) लॉकडाऊनमुळे शेतकऱ्यांचे अर्थचक्र व नियोजन पूर्णत: कोलमडले आहे. अगोदरच विविध कारणाने संकटात सापडलेला शेतकरी हातघाईला आला आहे. त्यांचे अर्थचक्र पूर्णत: कोलमडल्याने शासनाने शेतकऱ्यांना मोफत खत व बियानेचा पुरवठा खरीप हंगामासाठी करावा अशी मागणी भाजपच्या आ. नमिता मुंदडा यांनी मुख्यमंत्र्यांकडे केली आहे. 

उन्हाळी सुट्ट्यांमध्ये शिक्षकांनी मुख्यालय न सोडण्याचे सूचना 
बीड दि.23 ( सिटीझन ) कोरोना विषाणू संसर्गाच्या पार्श्वभूमीवर दक्षता म्हणून  दि.1 मे 2020 रोजी महाराष्ट्र दिनानिमित्त  कोणत्याही शाळेत ध्वजारोहण करु नये असे आदेश जिल्हा परिषद प्राथमिक विभागाचे शिक्षणाधिकारी अजय बहिर यांनी दिले आहेत. याबाबतचे पत्र त्यांनी जिल्ह्यातील सर्व गटशिक्षणाधिकारी यांना पाठवले आहेत. 

बीड (प्रतिनिधी):-  जामखेडहून पाटोदा व आष्टी तालुक्याकडे येणारे सर्व मार्ग प्रत्येकासाठी व पुढील  14 दिवस सर्व सेवांसाठी कडकपणे बंदराहणार असल्याची माहिती जिल्हाधिकारी राहुल रेखावार यांनी दिली आहे. जामखेडमध्ये कोरोना बाधीत रूग्ण आढळल्याच्या पार्श्वभुमीवर हा निर्णय घेतल्याचे समजते.

बीड दि.21 ( सिटीझन ) राज्य सरकारने लॉकडाऊनमध्ये वृत्तपत्रांच्या छपाईस परवानगी देत वितरणासाठी मात्र सक्त मनाई करण्यात आली होती. मात्र मंगळवारी रात्री 9.30 वाजता जिल्हाधिकारी राहुल रेखावार यांनी शासनाच्या निर्देशानुसार जिल्ह्यात वृत्तपत्र वितरणासाठी परवानगी दिली आहे. 

बीड दि.21 ( सिटीझन ) राज्यातील विविध  साखर कारखान्यांमध्ये अडकलेले ऊसतोड कामगार जिल्ह्यात दाखल होण्यास सुरुवात झाली आहे. आज मंगळवारी दुपारपर्यंत 6 हजार740 ऊसतोड कामगार बीड जिल्ह्यामध्ये दाखल झाल्याची माहिती पोलीस अधीक्षक हर्ष पोद्दार यांनी दिली आहे.

बीड दि.20 ( सिटीझन ) येथील नगराध्यक्ष डॉ. भारतभूषण क्षीरसागर यांनी सहकाऱ्यांनी , कार्यकर्त्यांनी गरजूंना मदत देतानाचे फोटो काढू नका,  सोशल मीडियावर व्हायरल करू नका असे आवाहन आज आपल्या फेसबुक पेजवरून केले आहे. 

 बीड दि.19 ( सिटीझन ) जिल्ह्याकरिता कोरोना विषाणूच्या प्रादुर्भावच्या पार्श्वभूमीवर राष्ट्रीय अन्नसुरक्षा योजनेअंतर्गत समाविष्ट होऊ न शकलेल्या व एपीएल केशरी शेतकरी योजनेत समाविष्ट न झालेल्या केसरी शिधापत्रिकाधारकांना मे 2020 साठी सवलतीच्या दराने स्वस्त धान्य नियंत्रणाचे मंजूर झाले आहे. पात्र कार्डधारकांसाठी स्वस्त धान्य नियतन मंजूर करण्यात आले आहे असे जिल्हा पुरवठा अधिकारी प्रकाश  आघाव  पाटील यांनी कळविले आहे
      हे नियतन परळी वैजनाथ व अन्न महामंडळ नागपूर येथील डेपोमधून उचल करण्यात आले असून त्यांचे आकडे किंटल मध्ये पुढील प्रमाणे आहेत

पालकमंत्री धनंजय मुंडे यांच्या सूचनेनुसार तात्काळ कार्यवाही