महाराष्ट्र

शेगाव-श्रीक्षेत्र शेगाव येथे गजानन महाराज यांच्या प्रकट दिन महोत्सवात सहभागी होण्यासाठी वाशिम जिल्ह्यातून शेगाव येथे जात असलेल्या भाविकांच्या वाहनास पातूर-बाळापूर मार्गावरील बाघ फाट्यानजीक सायंकाळी सव्वाचार वाजता भरधाव ट्रकने धडक दिली. या अपघातात सहा भाविक ठार, तर आणखी तीन गंभीर जखमी झाले आहेत.

मुंबई - मुंबई महापालिकेच्या मागील दहा वर्षांच्या कामाची कॅगमार्फत चौकशी करा, म्हणजे खरा डल्लामार कोण आहे? हे जनतेसमोर येईल असा पलटवार विधानपरिषदेचे विरोधी पक्षनेते धनंजय मुंडे यांनी शिवसेनेचे प्रमुख उद्धव ठाकरे यांच्यावर केला आहे.

काँग्रेस आणि राष्ट्रवादी हे दोन्ही पक्ष किंवा त्यांची आघाडी पुढची १० ते १५ वर्षे सत्तेत येणार नाही. त्यांनी सत्तेची स्वप्ने पाहणे सोडून द्यावे असे वक्तव्य राज्याचे मुख्यमंत्री देवेंद्र फडणवीस यांनी केले आहे. या दोन्ही पक्षांची अवस्था सत्तेशिवाय ‘जल बिन मछली’ अशी झाली आहे. सत्ता असताना या दोन्ही पक्षांनी शेतकऱ्यांसाठी काहीही केले नाही आणि आता हल्ला बोल यात्रा काढत फिरत आहेत.याच कार्यक्रमात मुख्यमंत्र्यांनी आघाडीच्या कारभारावर ताशेरे झाडले.

भाजप सरकारने शेतमालाला हमीभाव देण्याचे जे आश्वासन दिले आहे, तो हमीभाव प्रत्यक्ष हातात मिळाल्याशिवाय यावर विश्वास ठेवू नये. ज्या प्रकारे कर्जमाफीसंबंधी ‘लबाडाघरचे आवतण’ ही म्हण मी मागे वापरली होती, तीच म्हण या आश्वासनालाही लागू होते, अशा शब्दांत राष्ट्रवादी काँग्रेस पक्षाचे राष्ट्रीय अध्यक्ष Sharad Pawar यांनी शेतकऱ्यांना सरकारच्या फसव्या धोरणांबाबत सावध केले. औरंगाबाद येथे हल्लाबोल आंदोलनाच्या मराठवाडा टप्प्याची सांगता सभा आयोजित करण्यात आली होती. त्यावेळी ते बोलत होते.

आदेश आल्यास तासभरही सत्तेत राहणार नाही :-सुभाष देसाई

शिवसेना २०१९ ची लोकसभा व विधानसभा निवडणूक स्वबळावर लढणार आहे, ही काळ्या दगडावरील भगवी रेघ आहे. पक्षाने आदेश दिला की, शिवसेनेचे सर्व मंत्री एक दिवस काय, एक तासही सत्तेत न राहता राजीनामा देतील, असा विश्‍वास शिवसेनेचे नेते व उद्योगमंत्री सुभाष देसाई यांनी काल गुरुवारी दिली*

सिल्लोड बातमीदार--(अजय बाेराडे) अभ्यासक्रमाला असणाऱ्या बाबी जर विद्यार्थ्यांला प्रत्यक्ष कृतितुन शिकविल्या किंवा सबंधित ठिकानाला भेट देवून पाहणी केलि,अभ्यास केला तर विद्यार्थ्यना चांगल्या प्रकारे ज्ञान अवगत होऊ शकते या हेतुने येथील ज्ञानविकास विद्यालयच्या विद्यार्थ्यनि महाराष्ट्र राज्याच्या मुंबई येथील विधान भवन ला भेट दिली.