बीड शहर

बीड, (प्रतिनिधी):- महाराष्ट्र राज्य पत्रकार संघाच्यावतीने येथील स.मा.गर्गे भवनात दर्पनदिनाच्या कार्यक्रमाचे आयोजन करण्यात आले होते. यावेळी मान्यवरांच्या उपस्थितीत प्रतिमा पुजन झाले. याप्रसंगी जिल्हा शल्यचिकित्सक डॉ.अशोक थोरात यांनी कोरोनामध्ये माध्यमांची भुमिका याविषयावर मार्गदर्शन केले. या कार्यक्रमात जेष्ठ पत्रकार काझी हयातुल्ला आणि बेदरकर यांना सन्मानित करण्यात आली.

बीड, (प्रतिनिधी):- शेतातील पाईप एकत्र करत असतांना दहा ते बारा जणांनी एका 42 वर्षीय शेतकर्‍याला काठी, चप्पल, बुट आणि दकडाने मारहाण करून रस्त्याने फरपटत ओढत नेले. विद्युत खांबाला दोरीने बांधून नंतर त्याच्या डोळ्यावर पट्टी बांधली आणि नंतर जीवे मारण्याच्या उद्देशाने विष पाजल्याची घटना युसुफवडगाव शिवारात घडली. याप्रकरणी 12 जणांविरूध्द  कलम 307 प्रमाणे गुन्हा दाखल झाला आहे.

मुंबई, (प्रतिनिधी):- बीड जिल्ह्यात अवैध वाळू उपसा व वाहतुकीच्या तसेच त्यातून घडलेल्या अपघातांच्या तक्रारी गंभीर असून पोलीस व महसूल प्रशासनाने अशा वाळू माफियांविरुद्ध तातडीने कडक कार्यवाहीचे सत्र सुरू करावे असे निर्देश जिल्ह्याचे पालकमंत्री ना. धनंजय मुंडे यांनी जिल्हा पोलिस व महसूल प्रशासनास दिले आहेत.
महसूल किंवा पोलीस खात्यातील कोणतेही अधिकारी किंवा कर्मचारी वाळू माफियांना पाठीशी घालत असल्याचा प्रकार जर उघडकीस आला तर त्याची अजिबात गय केली जाणार नाही, प्रशासनातील अशा अधिकार्‍यांवर देखील कडक कारवाई करण्यात यावी असेही धनंजय मुंडे यांनी म्हटले आहे.

बीड, (प्रतिनिधी):-दर्पणकार कै. बाळशास्त्री जांभेकर यांच्या प्रतिमेचे पूजन करून  दर्पण दिननिमित्त जिल्हा माहिती कार्यालय बीड येथे त्यांच्या प्रतिमेस अभिवादन करण्यात आले. कै.बाळशास्त्री जांभेकर यांनी दर्पण या नियतकालिकाच्या माध्यमातून मराठी पत्रकारितेची मुहूर्तमेढ रोवली होती. त्यांच्या स्मृतीसाठी हा दिवस मराठी पत्रकार दिन म्हणून साजरा करण्यात येत आहे.

दुगड पेट्रोल पंपासमोरील घटना.

माजलगाव प्रतिनिधी दि.25

साखर कारखान्याकडे ऊस घेऊन जात असलेल्या ऊस वाहतूक बैलगाडीला मोटरसायकल स्वराने धडक दिली.या अपघातात चालक युवक जागीच ठार झाला असून शुक्रवार दिनांक 25 रोजी रात्री साडे सात वाजण्याच्या सुमारास राष्ट्रीय महामार्ग 61 वर दुगड पेट्रोल पंपासमोर घडली.

आष्टी : बिबट्याचा हल्ल्यात पंचायत समिती सदस्यपती ठार 

आष्टी दि.23 ( प्रतिनिधी ) येथील पंचायत समिती सदस्य पती नागनाथ गर्जे यांच्यावर बिबट्याने हल्ला केल्याने त्यांचा जागीच मृत्यू झाल्याची घटना आज मंगळवारी सायंकाळी पाटसरा ( ता.आष्टी ) येथे  घडली. सदरील घटनेने जिल्हा हादरला असून प्रचंड भीती निर्माण झाली आहे. प्रशासनाने तात्काळ बिबट्याचा बंदोबस्त करावा अशी मागणी होऊ लागली आहे. 

बीड जिल्ह्यातील शाळा दि. 23 नोव्हेंबरपासूनच मात्र दोन टप्प्यात सुरू होणार 

बीड दि.14 ( प्रतिनिधी ) : दिवाळीच्या मुहूर्तावर राज्य सरकारने राज्यातील जनतेला गिफ्ट दिलं आहे. दिवाळी पाडव्यापासून म्हणजेच 16 नोव्हेंबरपासून राज्यातील सर्वधर्मियांची मंदिरं आणि प्रार्थनस्थळं उघडण्यात येणार आहे. राज्याचे मुख्यमंत्री उद्धव ठाकरे यांनी ट्वीट करुन याबाबत माहिती दिली. मात्र भाविकांना यावेळी कोरोनाच्या नियमांचं म्हणजेच मास्क वापरणे, सोशल डिस्टन्सिंगच पालन करावं लागणार आहे.

बीडमधील एलआयसी ऑफिसला भीषण आग 

बीड दि.9 ( प्रतिनिधी ) शहरातील नगर रोडवरील एलआयसी ऑफिसला आज पहाटे भीषण आग लागली. या आगीत पूर्ण ऑफिस जाळून खाक झाले असून प्रचंड नुकसान झाले आहे. अग्निशामक दलाच्या कर्मचाऱ्यांनी आग आटोक्यात आणली असून मोठ्या प्रमाणात धुराचे लोळ उठले होते. 
बीड शहरातील एलआयसी ऑफिसला आज पहाटे भीषण आग लागली. पहाटेची वेळ असल्याने आग पूर्ण ऑफिसमध्ये पसरली. आग एव्हढी भीषण होती की ऑफीसमधील साहित्याच्या अक्षरशः कोळसा झाल्याचे दिसून येत आहे. सुदैवाने या आगीत जीवितहानी झाली नाही. मात्र ऑफिसचे प्रचंड नुकसान झाले आहे. आग नेमकी कशामुळे लागली याचे कारण मात्र समजू शकले नाही.