बीड शहर

मंत्रीमंडळ बैठक सुरू असतानाच मंत्रालयाच्या सहाव्या मजल्यावरुन तरुणाने मारली उडी

मुंबई - मंत्रालयात एका तरुणाने आत्महत्येचा प्रयत्न केला आहे. मंत्रालयात मंत्रिमंडळाची बैठक सुरु असतानाच तरुणाने सहाव्या मजल्यावरुन उडी मारली. पण सुदैवाने तरुण मंत्रालयात लावण्यात आलेल्या जाळीमध्ये अडकला आणि जीव वाचला. मंत्रालयात याआधीही अनेकदा आत्महत्येचे प्रयत्न झाले आहेत. त्याच पार्श्वभूमीवर ही संरक्षक जाळी बसवण्यात आली होती.

पतीनेच करायला लावला पत्नीवर अत्याचार

पीडित पत्नीच्या फिर्यादीवरून पतीसह त्या नराधमावर गुन्हा दाखल.

माजलगाव प्रतिनिधी दि.3

स्वतःच्या पत्नी सोबत एका व्यक्तीला तिच्या इच्छेला न जुमानता शारीरिक संबंध करायला लावल्याची घटना 26 जुलै 2022 रोजी घडली होती.दरम्यान पीडित पत्नीच्या फिर्यादीवरून 2 नोहे 2022 रोजी ग्रामीण पोलीस ठाण्यात पतीसह त्या नराधम व्यक्तीविरुद्ध अत्याचाराचा गुन्हा दाखल झाला आहे.

भाजप नेते शेख इरशादभाई 
यांना पितृशोक 

बीड दि.3 ( प्रतिनिधी ) भाजप नेते शेख इरशादभाई यांचे वडील शेख अब्दुल रज्जाक भंगारवाले ( रा. बालेपीर ) यांचे सोमवारी रात्री 8 वाजता अल्पशा आजाराने निधन झाले. मृत्यूसमयी ते 86 वर्षांचे होते. मंगळवार दि.4 ऑक्टोबर रोजी सकाळी 10 वाजता बालेपीर दर्गाह परिसरातील कब्रस्तानमध्ये त्यांचा दफनविधी करण्यात येणार आहे. राज्य परिवहन महामंडळात त्यांनी चालक म्हणून अनेक वर्षे सेवा बजावून ते सेवानिवृत्त झाले होते. त्यांच्या पश्चात सहा मुले, पाच मुली , सुना , नातवंडे असा मोठा परिवार आहे. शेख कुटुंबियांच्या दुःखात सिटीझन परिवार सहभागी आहे.

8 लाखाचा गुटखा पकडला.
सांगवीनजीक माजलगाव ग्रामीण पोलिसांची कार्यवाही.
माजलगाव प्रतिनिधी दि.28

महाराष्ट्र राज्याने निर्बंधित केलेला 8 लाख 39 हजार दोनशे रुपयांच्या मुद्देमाला सहित गुटखा माजलगावात विक्रीसाठी येत असताना पकडला.ही कार्यवाही माजलगाव ग्रामीण पोलिसांनी शनिवार दि.27 रोजी संध्याकाळी सांगवी नजीकच्या पुलाजवळ केली.

शोकाकुल वातावरणात शिवसंग्रामची जिल्हा कार्यकारीणी बैठक

समर्थ नेतृत्वाची गरज पाहता ज्योतीताईंनी पक्ष संघटनेची धुरा संभाळावी प्रभाकर कोलंगडे , नारायण काशिद

*प्रभाकर कोलंगडे यांच्या प्रस्तावावर जिल्हा कार्यकारीणी बैठकीत एकमत*

सिंदफणा नदीच्या पाण्यात पडून किशोरवयीन मुलाचा मृत्यू

माजलगाव दि.25 (प्रतिनिधी )

सिंदफना नदीच्या पाण्यात पडून किशोरवयीन मुलाचा मृत्यू झाला. ही घटना जुना माजलगाव शहरातील सिद्धेश्वर मंदिरालगत सोमवार दिनांक 25 रोजी सकाळी साडेदहा वाजण्याच्या दरम्यान घडली.

पिदाडा भाऊ दारू पिण्यात पैसे खर्च करील म्हणून केला घटनेचा बनाव.

राज गायकवाड माजलगाव.
 
माजलगाव जवळ वर्दळीच्या तेलगाव रस्त्यावर रोड रॉबरी झाल्याची घटना शुक्रवार दि.24 रोजी दुपारी घडली होती.परंतु या प्रकरणात फिर्यादीच आरोपी असल्याचे पोलिसांनी तपासात निष्पन्न केले आहे.दारू पिदाडा भाऊ दारू पिऊन पैसे खर्च करून टाकेल या कारणाने हा बनाव करण्यात आला,आसे फिर्यादी/ आरोपीचे म्हणणे आहे.या प्रकरणात सहाय्यक पोलीस अधीक्षक पंकज कुमावत यांनी घटनास्थळी भेट देऊन जलद  ग्रामीण पोलिसांमार्फत तपास करून तासाभरातच बनाव उघडा पाडून लुटमार प्रकरणाचा पर्दाफाश केला.

बीड जिल्ह्यात मिनी लॉकडाऊनचे 
आदेश ; शाळा , महाविद्यालये बंद 

बीड ( प्रतिनिधी ) राज्य शासनाने नवीन निबंध आज मध्यरात्रीपासून लागू केल्यानंतर जिल्हाधिकारी राधा बिनोद शर्मा यांनी आज यासंदर्भातील आदेश काढून जिल्ह्यात कडक निर्बंधाचे आदेश लागू केले आहेत. राज्य शासनाच्या नियमावलीप्रमाणे जिल्ह्यातही तीच नियमावली लागू असणार आहे. सर्व शाळा, महाविद्यालय दि. 15 फेब्रुवारी पर्यंत बंद ठेवण्याचे आदेश देण्यात आले आहेत. रात्री 11 ते पहाटे पाच पर्यंत संचारबंदी तर दिवसभर जमावबंदी असणार आहे.सदरील नियम सर्वांसाठी लागू असणार आहे.

बीड शहरात दिवसाढवळ्या युवकाचा खून

बीड (प्रतिनिधी ) अज्ञात तीन ते चार जणांनी तीक्ष्ण हत्याराने वार करून एका युवकाचा दिवसाढवळ्या खून केल्याची घटना आज मंगळवारी दुपारी चार वाजण्याच्या सुमारास बसस्थानकासमोरील एचडीएफसी बँकेसमोर घडली. वर्दळीच्या ठिकाणी झालेल्या या घटनेने सर्वत्र खळबळ उडाली आहे.