आष्टी

आष्टी, (प्रतिनिधी):- बस थांबा असूनही बस का थांबविली जात नाही म्हणून चालकास दोन अज्ञात इसमांनी मारहान केल्याची घटना तालुक्यातील धानोरा येथे सोमवारी घडली आहे. चालक लक्ष्मण दगडू जानराव हे कळंब (जि.उस्मानाबाद) आगाराचे असून सोमवारी ते धानोरा येथे बस घेऊन आले असता बसथांबा असतानाही बस का थांबविली नाही म्हणून त्यांना दोघांनी शिवीगाळ करून मारहान केली आहे.

तळेगाव ढमढेरे (पुणे) दुचाकीला मोटारीने मागून धडक देऊन झालेल्या अपघातात दुचाकीवरील दत्तात्रेय सोनबा भुजबळ (वय 52) व मोहिनी अतुल भुजबळ (वय 24, दोघे. रा. टेल्को कॉलनी, आंबेगाव बुद्रुक पुणे 46, मूळगाव टाकळसिंग, ता. आष्टी, जि. बीड) हे सासरा व सून असे दोघे जागीच ठार झाले. कासारी फाटा (ता. शिरूर) येथे चोविसावा मैलाजवळ पुणे-नगर रस्त्यावर आज (सोमवार) सकाळी ही दुर्घटना घडली. राजू सोनबा भुजबळ (रा. सणसवाडी, जि. बीड) यांनी शिक्रापूर पोलिसांत याबाबत फिर्याद दिली