जिल्हाधिकारी रेखावार यांचे स्पष्टीकरण ; किराणा संदर्भात कोर्टाचे जिल्हा प्रशासनाला कोणतेही निर्देश नाहीत

बीड दि.13 ( सिटीझन ) जिल्हाधिकारी राहुल रेखावार यांनी मंगळवारी रात्री 12 वाजून 10 मिनिटांनी न्यायालयाची ऑर्डर पोस्ट करत सदरील आदेशाची नोंद घेण्याचे कळविले आहे. किराणाची दुकाने खुली ठेवण्यास सांगितले आहे ,असे म्हणत सोशल मीडियावर अशा प्रकारचे संदेश येत असल्याचे दिसून येत आहे. ही ऑर्डरची संपूर्ण चुकीची व्याख्या आहे. कोर्टाच्या या आदेशाद्वारे जिल्हा प्रशासनाला कोणतेही निर्देश नाही असे जिल्हाधिकारी रेखावार यांनी स्पष्ट केले आहे. त्यामुळे जिल्हाधिकारी यांचे किराणा संदर्भातील आदेश कायम राहतील हेच यावरून स्पष्ट होते.

जिल्हाधिकारी रेखावार यांनी म्हटले आहे की, जिल्ह्यात नीडली अॅप लागू करण्याच्या माझ्या आदेशाविरूद्ध दाखल याचिकेसंदर्भात हायकोर्टाने आज पास केला. वास्तविकपणे माझ्या ऑर्डरमधील सर्व तरतुदींचे समर्थन न्यायालयाने केले आहे. आणि या ऑर्डरमध्ये असे काहीही नाही जे माझ्या ऑर्डरची अंमलबजावणी करण्यास प्रतिबंधित करते. मा. न्यायालय यांच्या निरीक्षणामुळे उच्च न्यायालय, याचिकाकर्त्याने आपली याचिका मागे घेतली आहे. अन्यथा याचिका दाखल केली गेली असती आणि आदेश मंजूर झाला असता. कोर्टाच्या आदेशाने मला किरानाची दुकाने खुली ठेवण्यास सांगितले आहे असे म्हणत सोशल मीडियावर असे संदेश येत असल्याचे दिसून येत आहे. ही ऑर्डरची संपूर्ण चुकीची व्याख्या आहे. कोर्टाच्या या आदेशाद्वारे जिल्हा प्रशासनाला कोणतेही निर्देश नाही. या प्रकरणात सरकारच्या वतीने हजर असलेल्या शासकीय निवेदकाद्वारेही याची खातरजमा केली गेली आहे असे ही जिल्हाधिकारी रेखावार यांनी माहिती कार्यालयाच्या ग्रुपवर अधिकृतपणे स्पष्ट केले आहे.