वृद्ध शेतकर्‍यास रॉकेल टाकून पेटवले पैसे मगितल्याच्या राग ; वृद्धाची मृत्यूशी झुंज

बीड, (प्रतिनिधी):- वृद्ध शेतकरी गाय विक्रीच्या व्यवहारातील पैसे मागण्यासाठी सकाळीच दारात आल्याचे पाहून खरेदीकर्त्याने पैसे देण्यास नकार दिला. पैसे देत नाही काय करायचे तर कर , असे म्हणत त्याने धुडकावून लावल्यानंतर वृद्धाने गाय सोडून घेवून जातो अशी धमकी देताच चौघांनी वृद्ध शेतकर्‍याच्या अंगावर रॉकेल टाकून पेटवून दिल्याची घटना येवलवाडी ( ता. पाटोदा ) येथे आज सकाळी घडली. सदरील वृद्ध गंभीररित्या  भाजला असून जिल्हा रुगणलयात मृत्यूशी झुंज देत आहे. 

पाटोदा तालुक्यातील येवलवाडी येथील आश्रूबा दशरथ नागरगोजे ( वय ७० ) या शेतकर्‍याने चार दिवसांपूर्वी गावातच एकाला आपली गाय विकली होती. व्यवहार ठरल्यानंतर चार दिवसांनी पैसे देणार असल्याचे खरेदीकर्त्याने सांगितले होते. त्यानुसार आज सकाळी आश्रुबा नागरगोजे हे ज्याने गाय खरेदी केली होती त्याच्या घरी पैसे आणण्यासाठी गेले होते. सकाळीच तू पैशासाठी दारात का आलास असे म्हणत खरेदीदाराने त्यास पैसे देण्यास नकार दिला. तू सकाळीच दारात आलास आता तुला पैसेच देत नाही तुला काय करायचे ते कर अशी धमकीही दिली. त्यावर आश्रूबा याने मी गाय सोडून घेवून जातो असे म्हणताच घरातील चौघांनी आश्रुबा नागरगोजे यांना पकडून त्यांच्या अंगावर रॉकेल ओतून पेटवून दिले. त्यामध्ये आश्रूबा नागरगोजे हे गंभीररीत्या भाजले असून त्यांच्यावर बीडच्या जिल्हा रुग्णालयात उपचार सुरू आहेत. याप्रकरणात सहाय्यक फौजदार बब्रुवान गांधले यांनी जखमीचा जबाब नोंदवला असून दुपारी उशिरापर्यंत गुन्हा दाखल झाला नव्हता.