दुचाकी ट्रक अपघातात तरूण ठार

बीड, (प्रतिनिधी):- समोरून येणार्‍या ट्रकने दुचाकी स्वरला जोराची धडक दिल्याने गंभीर जखमी झालेल्या तरूणाचे काल उपचारादरम्यान निधन झाल्याची दु:खद घटना घडली. तिगावमार्गे वडवणीला जात असतांना मैंदा पोखरी याठिकाणी समोरून येणार्‍या ट्रक क्रं.एम.एच.२३/४७४० या ट्रकने समोरून येणार्‍या वसंत उर्फ नामदेव किर्जत (वय २६) या तरूणास जोराची धडक दिल्याने गंभीररित्या जखमी झाला होता. काल शासकीय रूग्णालयात उपचारार्थ दाखल केले असता रात्री उशिरा त्याची प्राणज्योत मालवली. याप्रकरणी अज्ञात ट्रक चालकावर गुन्हा दाखल करण्याची प्रक्रिया सुरू होती.