बीडमध्ये एमआयएमची रॅली ; अ‍ॅड.शफीकभाऊंनी साधला मतदारांशी संवाद

बीड, (प्रतिनिधी):-एमआयएमचे उमेदवार अ‍ॅड.शेख शफीक भाऊ यांच्या प्रचारार्थ आज शहरातून भव्य रॅली काढण्यात आली. या रॅलीदरम्यान अ‍ॅड.शफीक भाऊंनी मतदारांशी संवाद साधला. आठवडी बाजारात भेट देवून तेथील सर्वसामान्य व्यक्तींशी, भाजी विक्रेत्यांशी चर्चा करून त्यांच्या अडचणी जाणून घेतल्या. 

बीड विधानसभा मतदारसंघातील एमआयएमचे उमेदवार अ‍ॅड.शेख शफीक भाऊ यांच्या प्रचारार्थ आज दुपारी भव्य रॅली काढण्यात आली. आठवडी बाजार परिसर,माळीवेस,धोंडीपुरा,बलभीम चौक, कारंजा, राजुरीवेस, बशीरगंज भागात रॅली काढून शफीक भाऊंनी मतदारांशी संवाद साधला. दुकानदार, नागरिकांची भेट घेऊन त्यांच्याशी संवाद साधला. आठवडी बाजारामध्येही त्यांनी भाजी विक्रेत्यांशी, व्यापार्‍यांशी चर्चा केली. ठिकठिकाणी अ‍ॅड.शफीक भाऊंचे जोरदार स्वागत करण्यात आली. यावेळी एमआयएमचे पदाधिकारी, कार्यकर्ते मोठ्या संख्येने सहभागी झाले होते.