गाड्या जळीत प्रकरणात उर्वरीत आरोपींना तात्काळ अटक करा-आ.मेटे

बीड, (प्रतिनिधी):- शहरातील इस्लामपुरा भागात दोन चारचाकी वाहने जाळल्याचा प्रकार घडला होता. याची माहिती मिळाल्यानंतर आ.विनायक मेटे यांनी घटनास्थळी भेट देवून या प्रकरणातील उर्वरीत तीन आरोपींना दोन दिवसात अटक करण्याच्या सूचना पोलिस अधिकार्‍यांना दिल्या.

बीड शहरातील इस्लामपुरा येथील दोन वाहनांच्या जळीतकांड प्रकरणी आ.विनायक मेटे यांनी भेट दिली. या प्रकरणातील उर्वरीत तीन आरोपींना तात्काळ अटक करण्याच्या सूचना केल्या. पेठ बीड भागातील वाढत्या अवैधधंद्याबाबतही त्यांनी अधिकार्‍यांना सुनावले. यावेळी त्या भागातील नागरिकांनी शेख जमीर उर्फ समी व शेख खदीर यांच्यासह इतर तिघेजण परिसरात दहशत पसरवत असल्याची बाब आ.मेटे यांच्या निदर्शनास आणून दिली. त्यावरही आ.मेटे यांनी अधिकार्‍यांना सुनावले.