मेव्हूण्यासह तिघांकडून मारहाण; गुन्हा दाखल

बीड, (प्रतिनिधी):- बहिणीकडे वारंवार पैशाची मागणी करणार्‍या मेव्हूण्याने घरी बोलावून घेत अन्य दोघांच्या मदतीने लोखंडी रॉडने एकास मारहाण केल्याची घटना घडली. या प्रकरणी तरुणाच्या फिर्यादीवरुन मेव्हूण्यासह तिघांविरुद्ध शिवाजीनगर पोलिस ठाण्यात गुन्हा दाखल करण्यात आला आहे.

पोलिस सुत्रांकडून मिळालेली माहिती अशी की, शेख ईर्शाद शेख इसाक (३२, रा.इस्लामपुरा) याचा मेव्हूणा बहिणीकडे सतत पैशाची मागणी करत होता. दि.७ एप्रिल रोजी मेव्हूण्याने शेख ईर्शाद यास बालेपीर येथील त्याच्या घरी बोलावून घेतले. यावेळी मेव्हूणा शेख ईर्शाद याच्या बहिणीस मारहाण करत होता. त्यावेळी शेख ईर्शाद याने सोडवणूकीचा प्रयत्न केला असता मेव्हूणा शेख अखतर शेख जाफर याने भाऊ शेख अजहर व वडिल शेख जारफर यांच्या मदतीने लोखंडी रॉडने शेख इर्शाद यास मारहाण केली. यामध्ये ईर्शादच्या डोक्याला गंभीर दुखापत झाली असुन त्यास उपचारासाठी जिल्हा रुग्णालयात दाखल करण्यात आले होते. उपचारानंतर शेख ईर्शाद याने त्याचा मेव्हूणा शेख अखतर शेख जाफर याच्यासह शेख अजहर शेख जाफर, शेख जाफर या तिघांविरुद्ध फिर्याद दिल्याने त्यांच्याविरुद्ध शिवाजीनगर पोलिसात गुन्हा दाखल करण्यात आला असुन पुढील तपास पोलिस करत आहे.