मोमीनपुरा भागातील रस्त्यांचे काम त्वरीत सुरू करा अन्यथा आंदोलन- जुनेद खान

बीड,(प्रतिनिधी):- बीड शहरातील मोमीनपुरा भागात गेली अनेक वर्षापासून रस्त्यांचे काम रखडलेेले आहे. याच सदरील भागातील नागरिकांच्या आर्थिक, शारिरीक, मानसिक बाबींवर परिणाम होत आहे. या सर्व बाबीला मोमीनपुरा भागातील जनता वैतागली असून, या बाबीचा नागरीकात नगर परिषद प्रशासनाच्या विरोधात प्रचंड संताप व राग निर्माण होत आहे. याच कारणास्तव आ.विनायकराव मेटे यांनी देकील यापूर्वी नगर परिषदमध्ये बैठक घेवून रस्त्याचे काम सुरू करण्याचे प्रयत्न केले होते. परंतू नगर परिषदेतील राजकीय हेवेदावे व द्वेषापोटी मोमीनपुरा भागातील रस्त्याचे काम हे आजपर्यंत रखडलेले आहे.

मोमीनपुरा भागातील रस्ता बाबत मुख्याधिकारी नगर परिषद, बीड यांना निवेदन देण्यात आले आहे की, बीड नगर परिषद प्रशासनाने कुठल्याही  प्रकारच्या राजकारणाला बळी न पडता मोमीनपुरा भागातील नागरिकांच्या अत्यंत जिव्हाळ्याचा प्रश्‍नाला समजुन घ्यावे व सदरील भागात रस्त्यांचे काम त्वरीत सुरू करण्यात यावे, अशा आशयाचे निवेदन दिलेले असून, नगर परिषद प्रशासन व बीड नगर परिषदेचे अध्यक्ष डॉ.भारतभूषण क्षीरसागर यांनी लवकरात लवकर मोमीनपुरा भागातील रस्त्यांचे काम उत्कृष्ट दर्जाचे केले नाही तर शिवसंग्रामच्यावतीने शहरव्यापी उग्र आंदोलन छेडण्यात येईल अशा इशारा शिवसंग्रामचे अल्पसंख्याक शहराध्यक्ष जुनेद खान, शिवसंग्राम अल्पसंख्यांक शहर उपाध्यक्ष शेख अजहर, शेख अखिल, शफिक पेंटर, सय्यद जावेद, मोहसीन भाई आदींनी दिला आहे.