नूर कॉलनीतील पाईप लाईनचा प्रश्‍न लागला मार्गी

बीड, (प्रतिनिधी):- शिवणी रोड लगत असलेल्या नूर कॉलनी येथील पाईप लाईनचा प्रश्‍न गेल्या अनेक वर्षापासुन प्रलंबित होता. नगराध्यक्ष भारतभुषण क्षीरसागर यांच्या प्रयत्नामुळे मार्गी लागला असुन नागरिकांमधुन आनंद व्यक्त केला जात आहे. पाणी पुरवठा सभापती शेख मुखीदलाला यांनीही या पाईपलाईनच्या प्रश्‍नासंदर्भात नगराध्यक्ष यांना विनंती केली होती.

नूर कॉलनी येथे गेल्या अनेक वर्षापासुन पाणी पुरवठ्याची समस्या भेडसावत होती. येथील पाईपलाईनचा प्रश्‍न प्रलंबित असल्याने नागरिकांना अनेक अडचणींना सामोरे जावे लागत होते. पाणीपुरवठा सभापती मुखीदलाला यांनी नगराध्यक्ष डॉ.भारतभुषण क्षीरसागर यांना निवेदन देवून या भागातील नागरिकांचा पाईपलाईनचा प्रश्‍न मार्गी लावावा अशी मागणी केली होती. यावर तात्काळ अमलबजावणी करत नगराध्यक्ष भारतभुषण क्षीरसागर यांनी नूर कॉलनीतील पाईपलाईनचा प्रश्‍न मार्गी लावला आहे. यामुळे येथील नागरिकांनी नगराध्यक्ष डॉ.क्षीरसागर यांच्यासह पाणीपुरवठा सभापती मुखीदलाला यांचे अभिनंदन केले आहे.