जीपच्या धडकेने विद्यार्थीनी ठार

 

बीड (प्रतिनिधी) भरधाव वेगातील बलेनो कारने जोराची धडक दिल्याने रस्ता ओलांडून शाळेत जात असलेल्या विद्यार्थीनीचा मृत्यू झाल्याची दुर्देवी घटना घडली. हा अपघात दि.१७ फेब्रुवारी रोजी सकाळी डोंगरकिन्ही-बीड रोडवरील भाटेवाडी येथे घडला. अपघातात गंभीर जखमी झालेल्या विद्यार्थीनीचा उपचारादरम्यान मृत्यू झाला.

पाटोदा तालुक्यातील भाटेवाडी येथील अश्‍विनी बाबु शेंबडे (६) ही सकाळी ८.३० वाजण्याच्या सुमारास रस्ता ओलांडून शाळेमध्ये जात होती. त्याचवेळी बलेनो कार क्र(एम.एच.२३ए एच १९३३)च्या चालकाने भरधाव वेगात गाडी चालवून अश्‍विनी हीस जोराची धडक दिली. गंभीर जखमी अवस्थेत अश्‍विनीला उपचारासाठी रूग्णालयात दाखल केले असता उपचारादरम्यान अश्‍विनी शेंबडे हीचा मृत्यू झाला. याप्रकरणी बाबु काशिनाथ शेंबडे यांच्या फिर्यादीवरून कारचालक नवनाथ पांडूरंग डोके (रा.नाळवंडी) याच्याविरूध्द अंमळनेर पोलिस ठाण्यात गुन्हा दाखल करण्यात आला आहे.