नागपुरात पत्रकाराच्या आईचा, मुलीच्या खूनामागे भिशीचे कारण, एका दुकानदारास अटक

नागपूर- उपराजधानी नागपुरातील कायदा आणि सुव्यवस्थवर सातत्याने टीका होत असताना नागपुरातील एका युवा पत्रकाराची आई आणि दीड वर्षांच्या चिमुकलीचे अपहरण करून अतिशय निर्घृणपणे दोघींची हत्या करण्यात आल्याची धक्कादायक घटना रविवारी सकाळी उघडकीस आली. दोघींचे मृतदेह पोत्यात कोंबलेल्या अवस्थेत आढळून आले. भिशीच्या वादातून घराजवळील किराणा दुकानदाराने दोघींची हत्या केल्याचे उघड झाले असून पोलिसांनी त्याला अटक केली आहे.