बीडमध्ये युवकावर चाकु हल्ल

 

बीड (प्रतिनिधी) शहरातील माळी गल्ली भागातील एका युवकावर रात्री चौघांनी चाकुहल्ला केल्याची घटना मसरत नगर भागात घडली. सदरिल युवकावर जिल्हा रूग्णालयात उपचार सुरू आहेत. दोन दिवसापूर्वीच दोन विद्यार्थ्यांवर तलवारीने हल्ला झाल्याची घटना घडली होती.

बीड शहरातील माळी गल्ली येथील शेख तबरेज सईद (१८) यास रात्री चार तरूणांनी गाडीवर बसवून मसरत नगर भागात नेले. त्याठिकाणी शेख तबरेज याच्यावर चाकुने वार केले. त्यामध्ये तो जखमी झाला असून त्याच्यावर जिल्हा रूग्णालयात उपचार सुरू आहेत.