मेगा पोलिस भरतीसाठी युक्रांदचे मुख्यमंत्र्यांना निवेदन लवकरच पूर्ण जागा भरु -मुख्यमंत्री

बीड (प्रतिनिधी) राज्यात हजारो युवक युवती पोलिस भरती पूर्व तयारी करीत आहेत. गेल्या चार वर्षांपासून पोलिस दलात मेगा भरती केली नाही. यामुळे पोलिस  भरती करावी अशी मागणी युक्रांदच्या वतीने मुख्यमंत्री देवेंद्र फडणवीस यांच्याकडे निवेदनाद्वार केली. राज्यात लवकरच पोलिसाच्या पूर्ण भरणार असल्याचे आश्वासन त्यांनी दिले.

पोलिस भरतीमध्ये मैदानी आणि लेखी परिक्षेचे निकाल केंद्रीय पध्दतीने लावून एकच मेरिट लावावी, बायोमॅट्रीक पध्दतीने उपस्थिती घ्यावी, मेगा भरती करावी या मागण्यांचे निवेदन युक्रांदच्या शिष्टमंडळाने मुख्यमंत्री देवेंद्र फडणवीस यांना दिले. यावेळी मुख्यमंत्र्यांनी दोन टप्प्यांत मंजूर पदे भरण्याची ग्वाही दिली. या शिष्टमंडळात कृष्णा  पाठक, बाळासाहेब कळसाने, अभिजीतसिंह ठाकूर, अशोक घोलप, आबा जगदाळे, रवी रकटे, गणेश पवळ, स्वाती शेवाळे, स्नेहा साबळे, सुवर्णा बोंगाने, अक्षय घल्लाळ तसेच विद्यार्थी उपस्थित होते.