लाइव न्यूज़
टीव्ही, मोबाइल महागणार; प्रत्येक बिलावर अधि’भार’ ,देशातील गरिब जनतेला मोफत घर व गॅस कनेक्शन देण्याची घोषणा
नवी दिल्ली (वृत्तसेवा) लोकसभेसह नऊ राज्यातील विधानसभा निवडणुकांच्या पार्श्वभूमीवर केंद्र सरकारने शेतकरी वर्ग आणि ग्रामीण भागाल खूष करणारा अर्थसंकल्प मांडला आहे. मात्र हे करताना सरकारने कस्टम ड्यूटी वाढवली आहे. त्यामुळे टीव्ही आणि मोबाइल महागणार आहे. त्याशिवाय प्रत्येक बिलावर अधिभार वाढविण्यात आल्याने कोणत्याही बिलावर आता एक टक्का अधिक रक्कम आकारली जाणार आहे. त्यामुळे नरेंद्र मोदी सरकारने आवळा देऊन कोहळा काढण्याचा प्रयत्न केला असून आगामी काळात त्याची झळ सर्वसामान्यांना बसणार आहे. दरम्यान अबकारी कर कमी केल्याने पेट्रोल आणि डिझेल दोन रुपयांनी स्वस्त होणार आहे. केंद्रातील नरेंद्र मोदी सरकारने मेक इन इंडियावर भर दिल्याने आयात मालांवर जास्तीत जास्त कर आकारण्याचे संकेत दिले होते. त्यामुळे मोबाइल, टीव्हीसह इलेक्ट्रॉनिक वस्तू महागण्याची शक्यता वर्तविण्यात येत होती. अर्थमंत्री अरुण जेटली यांनी अर्थसंकल्प सादर करून या शक्यतेवर शिक्कामोर्तब केला आहे. टीव्ही आणि मोबाइलवरील कस्टम ड्युटीत भरघोस वाढ केल्याने टीव्ही संच आणि मोबाइल महागणार आहे.
देशातील गरिब जनतेला मोफत घर व गॅस कनेक्शन देण्याची घोषणा
अर्थमंत्री अरूण जेटली यांनी त्यांच्या शेवटच्या पूर्ण अर्थसंकल्पात मध्यमवर्गिय आणि गरिबांसाठी अनेक मोठ्या घोषणा केल्या आहेत. उज्ज्वला योजनेअंतर्गत सरकाने ५ करोड गरिब महिलांपर्यंत मोफत गॅस कनेक्शन पोहचविण्याचं लक्ष्य ठेवलं होतं. या योजनेची लोकप्रियता पाहता हे लक्ष्य वाढवून ८ करोड गरिब महिलांना मोफत गॅस कनेक्शन पोहचविण्याचं लक्ष ठेवण्यात आलं आहे.
घरातील वीज गेल्यावर सगळेच चिंतीत असतात या मुद्याकडे लक्ष केंद्रीत करून सरकारने सौभाग्य योजनेची सुरूवात करणार असल्याची घोषणा केली. या योजनेअंतर्गत १६ हजार करोड रूपये खर्च करून ४ करोड कुटुंबांपर्यंत वीज पोहचविली जाणार आहे. २०२२ पर्यंत प्रत्येक गरिब व्यक्तीला घर मिळवून देण्याचं सरकारचं लक्ष्य आहे, असं अरूण जेटली यांनी म्हंटलं. याअंतर्गत सरकारने शहरी क्षेत्रात ३७ लाख घर बनविण्याच्या योजनेला मंजुरी दिली आहे. याशिवाय नव्या आर्थिक वर्षात सरकारने २ करोड शौचालयं बनविण्याची घोषणा केली आहे.
Add new comment