बीडच्या गांधीनगर भागात पाणीपुरवठा होईना!

बीडच्या गांधीनगर भागात पाणीपुरवठा होईना!

बीड (प्रतिनिधी) शहरातील गांधी नगर भागात मागील पंधरा दिवसांपासून पाणीपुरवठा होत नसल्याने या भागातील नागरीकांचे प्रचंड हाल होवू लागले आहेत. गांधीनगर, दिलावर नगर, अख्तर नगर या भागात पाणीपुरवठा होत नसल्याने नगर पालिकेविरूध्द प्रचंड संताप व्यक्त होवू लागला आहे.

बीड शहरातील पेठ बीड भागातील गांधी नगर परिसरात मागील पंधरा दिवसांपासून पाणीपुरवठा होत नसल्याने हाल होवू लागले आहेत. आठ दिवसाला नळाद्वारे होणारा पाणीपुरवठा तब्बल पंधरा उलटूनही होत नसल्याने महिला आणि नागरीकांमधून संताप व्यक्त होवू लागला आहे. पाणी असुनही या भागातील लोकांना पाण्यासाठी भटकंती करण्याची वेळ आली आहे. विकतचे पाणी घेवून आपली गरज भागवली जात आहे. याकडे नगरपालिकेने लक्ष द्यावे अशी मागणी होवू लागली आहे.