बीड- हुतात्मा दिनानिमित्त उद्या मंगळवारी दोन मिनिटे मौन पाळण्याचे निर्देश

बीड ( प्रतिनिधी ) देशाच्या स्वातंत्र्यासाठी प्राणार्पण केलेल्या हुतात्म्यांच्या स्मरणार्थ आदर व्यक्त करण्यासाठी उद्या मंगळवारी ( दि. 30 ) दोन मिनिटे मौन ( स्तब्धता ) पाळण्याचे निर्देश शासनाने दिले आहेत. सामान्य प्रशासन विभागाने याबाबतचे आदेश निर्गमित केले आहेत.
राज्याच्या सामान्य प्रशासन विभागाने आदेश निर्गमित केले असून मंगळवारी ( दि.30 ) जानेवारी रोजी दोन मिनिटे मौन पाळण्याचे निर्देश दिले आहेत. मंगळवारी सकाळी 11 वाजता दोन मिनिटे मौन ( स्तब्धता ) पाळून हा दिवस हुतात्मा दिन म्हणून साजरा करावा असे म्हटले आहे. सकाळी 11 ते 11.02 मिनिटे मौन पाळण्यात येणार असून संपूर्ण देशभरात एकाच वेळी मौन पाळण्यात येणार आहे. सर्व शासकीय , निमशासकीय कार्यालये , आस्थापना , शैक्षणिक संस्था ,शाळा , महाविद्यालये आणि नागरिकांनी दोन मिनिटे मौन पाळून हुतात्म्यांना आदरांजली अर्पण करावी असे निर्देश देण्यात आले आहेत.