गेवराई, दि.०२ (प्रतिनिधी) ः- शासनाने दि.१ फेब्रुवारीपासून राज्यभर हमीभावाने तूर खरेदीची घोषणा करूनही गेवराई येथील शासकीय धान्य खरेदी केंद्रावर तूर खरेदी सुरु न झाल्यामुळे गेवराई तालुका राष्ट्रवादी काँग्रेस पार्टीच्यावतीने शासकीय तूर खरेदी तात्काळ सुरु करावी या मागणीसाठी तहसिलदारांना निवेदन देण्यात आले. तूर खरेदी सोमवारपर्यंत चालू न झाल्यास तिव्र आंदोलन छेडण्याचा इशारा राष्ट्रवादी काँग्रेस पार्टीच्यावतीने यावेळी देण्यात आला.
