बीड शहर

बीड जिल्ह्यातील शाळा 31 मार्चपर्यंत बंद

बीड दि.10 ( प्रतिनिधी ) कोरोनाचा वाढत्या पार्श्‍वभूमीवर जिल्ह्यातील दहावी आणि बारावी वगळता 5 वी ते 9 वी आणि 11 वीचे वर्ग दहा मार्च पर्यंत बंद ठेवण्याचे आदेश जिल्हाधिकारी रवींद्र जगताप यांनी यापूर्वीच दिले होते. मात्र कोरोना रुग्णांची वाढती संख्या पाहता जिल्ह्यातील सर्व शाळा ( दहावी ,बारावी वर्ग वगळून ) दि.31 मार्च पर्यंत बंद ठेवण्याचे आदेश जिल्हाधिकारी रवींद्र जगताप यांनी आज दि. 10 मार्च रोजी काढले आहेत. 

बीड जिल्ह्यातील शाळा 31 मार्चपर्यंत बंद

बीड दि.10 ( प्रतिनिधी ) कोरोनाचा वाढत्या पार्श्‍वभूमीवर जिल्ह्यातील दहावी आणि बारावी वगळता 5 वी ते 9 वी आणि 11 वीचे वर्ग दहा मार्च पर्यंत बंद ठेवण्याचे आदेश जिल्हाधिकारी रवींद्र जगताप यांनी यापूर्वीच दिले होते. मात्र कोरोना रुग्णांची वाढती संख्या पाहता जिल्ह्यातील सर्व शाळा ( दहावी ,बारावी वर्ग वगळून ) दि.31 मार्च पर्यंत बंद ठेवण्याचे आदेश जिल्हाधिकारी रवींद्र जगताप यांनी आज दि. 10 मार्च रोजी काढले आहेत. 

बीड दि.6 ( प्रतिनिधी )  जिल्ह्यात कोरोना विषाणू संसर्गाचा प्रादुर्भाव रोखण्यासाठी दिनांक 11 मार्च रोजी महाशिवरात्रीच्या दिवशी जिल्ह्यातील सर्व शिवालये दर्शनासाठी पूर्णतः बंद ठेवण्याचे आदेश जिल्हाधिकारी रवींद्र जगताप यांनी आज दिले आहेत. सदरील कालावधीत प्रथेप्रमाणे पूजा व इतर बाबी संबंधित पुजारी व विश्वस्त यांनी कोरोना विषयक नियमाचे पालन करून करण्यास परवानगी देण्यात आली आहे. त्याचबरोबर परळी येथील प्रभू वैद्यनाथाचे मंदिर येथील दर्शन दिनांक 8 मार्च ते 16 मार्च या कालावधीत पूर्णतः बंद करण्यात येत असल्याचे जिल्हाधिकारी जगताप यांनी आपल्या आदेशात म्हटले आहे.

 
बीड दि.5 ( प्रतिनिधी ) जिल्ह्यातील कोरोनाविषाणू संसर्गाचा वाढता प्रादुर्भाव पाहता जिल्हाधिकारी रवींद्र जगताप यांनी आज दिनांक 5 मार्च रोजी नवीन आदेश जारी केले आहेत. आजपासून दिनांक 31 मार्च 2021 पर्यंत जिल्ह्यातील सर्व आठवडी बाजार,  कोचिंग क्लासेस ( दहावी बारावी वगळून ) बंद ठेवण्याचे आदेश दिले आहेत. जिल्ह्यातील सर्व यात्रा, मोर्चे ,आंदोलने, उपोषण यांना देखील बंदी घालण्यात आली आहे .सोशल डिस्टंसिंग आणि मास्कचा वापर करून भाजीपाला व फळ विक्रीला परवानगी देण्यात आली आहे.

राजकीय, धार्मिक, सामाजिक कार्यक्रमांना उद्यापासून बंदी - मुख्यमंत्री ठाकरे 

लॉकडाऊनसाठी आठ दिवसांचा अल्टिमेट

बीड ( प्रतिनिधी ) शहरातील जालना रोडवरील एका खाजगी हॉस्पिटलच्या स्वच्छता गृह ( टॉयलेट ) मध्ये एक पुरुष जातीचे नवजात अर्भक आढळल्याने खळबळ उडाली आहे.
बीड मधील जालना रोडवरील वीर हॉस्पिटलच्या टॉयलेटमध्ये नवजात अर्भक मिळाल्याची माहिती कळताच शहर ठाण्याचे पोलीस त्याठिकाणी दाखल झाले आहेत. सदरील अर्भक पुरुष जातीचे असल्याचे सूत्रांनी सांगितले. टॉयलेटमध्ये अर्भक कसे आले याचा तपास सुरू आहे. दरम्यान एक महिला रुग्णालयात सोनोग्राफी करण्यासाठी आली होती.बाथरूममधून आल्यानंतर ती महिला परत घरी गेल्याचे हॉस्पिटलच्या वतीने सांगण्यात आले. त्यामुळे नेमका प्रकार काय हे आता तपासानंतरच स्पष्ट होणार आहे.

बीड ( प्रतिनिधी ) येथील खाजा गरीब नवाज ग्रुप सेवा भावी संस्थेच्या वतीने सय्यद मो. जहिरोद्दीन  सलीमोद्दीन कादरी यांनी रुग्णसेवा करण्याच्या उद्देशाने प्रजासत्ताक दिनानिमित्त उद्या दि.26 जानेवारी रोजी सकाळी 10 वाजता जिल्हा रुग्णालय येथे रुग्णवाहिकेचे लोकार्पण करण्यात येणार आहे. जिल्हा शल्यचिकित्सक डॉ. सूर्यकांत गित्ते , जिल्हा आरोग्य अधिकारी डॉ. आर.बी. पवार यांच्या हस्ते आणि सायं. दै. सिटीझनचे संपादक शेख मुजीब , हाजी शफीक तांबोळी यांच्या प्रमुख उपस्थितीत लोकार्पण करण्यात येणार आहे.

बीड दि.11 ( प्रतिनिधी ) देशातील काही राज्यात बर्ड फ्लूचा प्रादुर्भाव वाढत आहे. महाराष्ट्रातही कोंबड्या आणि कावळ्यांचा मृत्यू बर्ड फ्लू ने झाल्याचे समोर आले आहे.मुंबई,  ठाणे, परभणी ,दापोली आणि बीड जिल्ह्यातील कोंबड्या व कावळ्यांचा मृत्यू बर्ड फ्लू पॉझिटिव्ह असल्याचा अहवाल मत्स्यपालन, पशुसंवर्धन व दुग्धव्यवसाय मंत्रालय , नवी दिल्ली यांनी दिला आहे. बीड जिल्ह्यातील पाटोदा तालुक्यातील मुगगाव येथे 26 कावळे मृतावस्थेत आढळून आले होते. त्यापैकी तीन कावळ्यांचे मृत अवशेष तपासणीसाठी प्रयोगशाळेत पाठविण्यात आले होते.

बीड, (प्रतिनिधी):- बीड जिल्हा मराठी पत्रकार परिषदेच्यावतीने दर्पनदिनी आगळावेगळा उपक्रम राबवून वृक्षसंवर्धनाचे महत्व पटवून देण्यात आले. यावेळी वृक्ष नामकरण सोहळ्यात विविध प्रकारच्या वृक्षांना दिवंगत पत्रकारांची नावे देण्यात आली.