बीड जिल्ह्याला मोठा धक्का ; आज आणखी 8 पॉझिटिव्ह आढळले

बीड दि.20 ( सिटीझन ) गेली पन्नास दिवस कोरोना शून्य असलेल्या बीड जिल्ह्याची चिंता मात्र आता दिवसेंदिवस वाढत आहे. जिल्ह्यातून सोमवारी  66 जणांचे स्वब पाठविण्यात आले होते. त्यापैकी मंगळवारी रात्री उशिरा तब्बल 8 पॉझिटिव्ह आल्याने खळबळ उडाली आहे. आता जिल्ह्यातील  पॉझिटिव्ह रुग्णांची संख्या 12 + 8 अशी 20 संख्या झाली असून त्यापैकी एक मयत असून एक जण कोरोना मुक्त झालेला आहे. तर 6 जण पुण्याला रवाना झाले आहेत. आणखी 3 रिपोर्ट प्रलंबित असल्याचे सूत्रांनी सांगितले.  

बीड जिल्ह्यातील 66 जणांचे स्वब तपासणीसाठी प्रयोगशाळेत पाठवण्यात आले होते. आजपर्यंत रिपोर्ट रात्री 9 वाजेपर्यंत येत होते मात्र आज रिपोर्ट येण्यास 11.30 वाजेपर्यंत वाट पाहावी लागली. त्यामुळे सर्वांनाच धाकधूक होती. आजच्या रिपोर्टमध्ये नेमके काय येते ? याकडे जिल्ह्याचे लक्ष लागले होते. अखेर 66 जणांचे रिपोर्ट आरोग्य विभागाला प्राप्त झाले असून त्यापैकी 8  पॉझिटिव्ह आढळले आहेत तर 55 निगेटिव्ह आले असून 3 रिपोर्ट प्रलंबित आहेत.  नागरीकांनी काळजी घेण्याची गरज असून घाबरून न जाता सतर्क राहणे आवश्यक आहे.